თბილისი, 30 ივლისი — Sputnik. საინიციატივოჯგუფმა საიტზე change.org პეტიცია გამოაქვეყნა, რომელიც საქართველოს მოქალაქეების სხვა ქვეყებში გამგზავრების უფლებას ეხება.
პეტიციაში სამი ძირითადი მოთხოვნაა წამოყენებული. პირველი – საქართველოს მოქალაქეებისთვის „დისკრიმინაციული“ კარანტინის გაუქმება თუ ისინი ე.წ. „უსაფრთხო“ ქვეყნებიდან ბრუნდებიან. ესენია გერმანია, საფრანგეთი და ბალტიისპირეთის ქვეყნები – ესტონეთი, ლატვია, ლიეტუვა.
საქმე იმაშია, რომ ამ ქვეყნებიდან ვიზიტორებს, საქართველოს მოქალაქეებისგან განსხვავებით, არ მოეთხოვებათ ორკვირიანი იზოლაცია და კარანტინი.
მეორე მოთხოვნა – გაფართოვდეს „უსაფრთხო ქვეყნების“ სია. კერძოდ, კარგი ეპიდემიოლოგიური ვითარებაა ავსტრიაში, საბერძნეთსა და პოლონეთში.
მესამე მოთხოვმა – საქართველოს მთავრობამ ბიუჯეტურ ავიაკომპანიებს Wizzair–სა და Ryanair–ს რეგულარული ფრენების აღდგენის ნებართვა მისცეს.
აგვისტოდან განახლდება რეგულარული ავიარეისები, რომლებსაც Air France, AirBaltic და Lufthansa შეასრულებენ. ამასთან, დაბალბიუჯეტიან ავიაკომპანიებს მუშაობის ნებართვაზე კვლავ უარი აქვთ.
