თბილისი, 29 ივლისი — Sputnik. პოლიციელებს უკვე იმედი გადაეწურათ, რომ ტაილანდის ქალაქ ლოპბურს შესეულ მაიმუნებს დაამარცხებენ, წერს გამოცემა New York Times–ი.
Hundreds of hungry monkeys crossing a road and then chasing a single monkey🐒 which has got hold of a single banana in Lopburi, #Thailand after #coronavirus caused a huge drop in the numbers of tourists who feed them. 😭#Covid_19 #CoronavirusPandemic pic.twitter.com/DSNsur5K5P
— Bushra Nasir Ahmed (@ainee_2010) March 12, 2020
გავრცელებული ინფორმაციით, ლოპბურის ქუჩებში ყოველთვის ბევრი მაკაკა იყო, თუმცა ბოლო დროს მათი რაოდენობა შესამჩნევად გაიზარდა. ირკვევა, რომ ვითარება მას შემდეგ დამძიმდა, რაც ქალაქში, კორონავირუსის პანდემიის გამო, ტურისტები გაქრნენ. სწორედ ისინი უმასპინძლდებოდნენ მაკაკებს სხვადასხვა ნუგბარით.
ახლა 70 ათასიან ლოპბურში 8,4 ათასი მაკაკა დასეირნობს, რომლებიც, გარდა იმისა, რომ ცარიელ სახლებში შედიან, მაღაზიების ვიტრინებსაც ამსხვრევენ საკვების მოსაპოვებლად და ადამიანებსაც კი ესხმიან თავს. განსაკუთრებით დაზარალებულ კვარტალში დაიკეტა ათობით მაღაზია, სკოლა, კინოთეატრი და საპარიკმახერო.
Locals in Thailand's Lopburi province have been trying to feed hundreds of monkeys who live near a tourist attraction and are usually fed by visitors. The government expects foreign tourist numbers to fall by 5 million due to the coronavirus outbreak. https://t.co/WsjGBz1ahv pic.twitter.com/bzvtTtXUNH
— ABC News (@ABC) March 20, 2020
გამოცემა აღწერს, როგორ დაესხნენ მაკაკები პროდუქტებით დატვირთულ ავტომობილს, რასაც პოლიციელი შორიდან უმწეოდ ადევნებდა თვალს. სამართალდამცველმა განმარტა, რომ ცხოველებთან ბრძოლას აზრი არ ჰქონდა, ვინაიდან მათი რაოდენობა თვალისდახამხამებაში მხოლოდ გაიზრდებოდა.
