დასახელდა თაფლის უნიკალური სახეობა: უსაფრთხოა დიაბეტიანებისთვის და არ ასუქებს

გამოწერა
НовостиTelegram
მეცნიერებმა დაადგინეს, რომ ამ სახეობის თაფლში შემავალი უნიკალური ნივთიერება სხვა არც ერთ პროდუქტში არ გვხვდება.

თბილისი, 27 ივლისი — Sputnik. უნესტრო ფუტკრების თაფლი განსაკუთრებული სამკურნალო თვისებებით გამოირჩევა – ის სასარგებლოა დიაბეტით დაავადებულებისთვის და ასევე მათთვის, ვინც გახდომას ცდილობს, აცხადებენ კვინსლენდის (ავსტრალია) უნივერსიტეტის მეცნიერები.

მათი კვლევა სამეცნიერო ჟურნალ Nature-შია გამოქვეყნებული.

ჩირიფრუტის პროდუქცია - Sputnik საქართველო
ტკბილეულზე უარის თქმა არ შეიძლება: დასახელდა დიეტის დროს დასაშვები ნუგბარი

კვლევის ერთ-ერთი ავტორის, ქიმიკოს მერი ფლეტჩერის თქმით, თაფლის გამოკვლევისკენ მათ ავსტრალიელი აბორიგენების ცოდნამ უბიძგა, რომლებიც მას უძველესი დროიდან იყენებენ სამკურნალოდ.

როგორც მეცნიერებმა დაადგინეს, უნესტრო ფუტკრების თაფლი დადებით გავლენას ახდენს დიაბეტით დაავადებულებზე, ვინაიდან 85%-მდე ტრეგალულოზს შეიცავს — შაქრის იშვიათ სახეობას, რომელსაც დაბალი გლიკემიური ინდექსი აქვს.

ამ მახასიათებლის წყალობით შაქარს შედარებით მეტი დრო სჭირდება სისხლის ნაკადთან შესარევად. ამასთან სისხლში გლუკოზის რაოდენობა არ იმატებს, რაც უნესტრო ფუტკრების თაფლს უსაფრთხოს ხდის დიაბეტით დაავადებულებისთვის.

მეცნიერები აღნიშნავენ, რომ ასეთი თაფლი ასევე არ ვნებს კბილებს, არ იწვევს კარიესს და არის საკმაოდ გემრიელი.

მკვლევარები განმარტავენ, რომ ტრეგალულოზა, ძირითადი კომპონენტის სახით, სხვა არც ერთ პროდუქტში არ გვხვდება.

© Sputnik / Maria Tsimintiaთაფლი
დასახელდა თაფლის უნიკალური სახეობა: უსაფრთხოა დიაბეტიანებისთვის და არ ასუქებს - Sputnik საქართველო
თაფლი
ყველა ახალი ამბავი
0