მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

პირველი რასისტი პრეზიდენტი: ჯო ბაიდენი ტრამპს ბრალს სდებს

© AP Photo / Chuck Burtonჯო ბაიდენი
ჯო ბაიდენი - Sputnik საქართველო
გამოწერა
Yandex newsTelegram
ბაიდენის განცხადებას სოციალური ქსელების მომხმარებლები გამოეხმაურნენ და მას რამდენიმე მაგალითი შეახსენეს აშშ-ის ისტორიიდან.

თბილისი, 23 ივლისი — Sputnik. დონალდ ტრამპი პირველი რასისტია, რომელიც პრეზიდენტად აირჩიეს, განაცხადა აშშ-ის პრეზიდენტობის კანდიდატმა ჯო ბაიდენმა, იუწყება გამოცემა The Washington Post. 

დონალდ ტრამპი - Sputnik საქართველო
ბაიდენი ტრამპს სამხედრო გადატრიალებით დაემუქრა: ვრცელდება ვიდეოკადრები

ამომრჩევლებთან შეხვედრის დროს ბაიდენს ჰკითხეს, რას ფიქრობს ის იმასთან დაკავშირებით, რომ ქვეყნის მოქმედი პრეზიდენტი კორონავირუსს ჩინურ ან უჰანურ ვირუსად მოიხსენიებს.

პასუხად პოლიტიკოსმა განაცხადა, რომ პრეზიდენტი „რასიზმს თესავს“.

„ის, როგორც [ტრამპი] ეკიდება ადამიანებს მათი კანის ფერიდან, ეროვნებიდან, წარმოშობის ადგილიდან გამომდინარე, აბსოლუტურად ამაზრზენია. ეს არც ერთ რესპუბლიკელ პრეზიდენტს არ გაუკეთებია, არც ერთ დემოკრატ პრეზიდენტს... ტრამპი პირველია, ვინც ეს გააკეთა“, — თქვა ბაიდენმა.

პრეზიდენტობის დემოკრატი კანდიდატის განცხადებას სოციალური ქსელების მომხმარებლები გამოეხმაურნენ და მას შეახსენეს, რომ აშშ-ის რამდენიმე პრეზიდენტი, მათ შორის პირველი — ჯორჯ ვაშინგტონი, მონათმფლობელი იყო, ხოლო 28-ე პრეზიდენტი ვუდრო უილსონი სულაც სეგრეგაციას უჭერდა მხარს (სეგრეგაცია — რასობრივი ჯგუფების იძულებითი გამოყოფა, რომელთანაც დაკავშირებულია ამა თუ იმ ეროვნების ჯგუფის დისკრიმინაცია).

მანამდე დონალდ ტრამპმა და მისი ადმინისტრაციის წევრებმა არაერთხელ უარყვეს რასიზმში ბრალდება, ხოლო გამონათქვამები „ჩინური ვირუსი“ თუ „უჰანური ვირუსი“ წარმოშობის რეგიონით ახსნეს.

 

ყველა ახალი ამბავი
0