თბილისში განზრახ მკვლელობის ბრალდებით 28 წლის მამაკაცი დააკავეს

© photo: Sputnik / Stringerდაკავება
დაკავება - Sputnik საქართველო
გამოწერა
ბრალდებულმა მიმდინარე წლის 19 ივლისს ურთიერთშელაპარაკების ნიადაგზე 32 წლის მამაკაცს ცივი იარაღით ზურგის არეში ჭრილობა მიაყენა

თბილისი, 19 ივლისი — Sputnik. შინაგან საქმეთა სამინისტროს თანამშრომლებმა თბილისში 28 წლის მამაკაცი განზრახ მკვლელობის ბრალდებით დააკავეს, ნათქვამია უწყების მიერ გავრცელებულ განცხადებაში.

გამოძიებით დადგინდა, რომ ბრალდებულმა მიმდინარე წლის 19 ივლისს ურთიერთშელაპარაკების ნიადაგზე 32 წლის მამაკაცს ცივი იარაღით ზურგის არეში ჭრილობა მიაყენა.

დაჭრილი საავადმყოფოში მიყვანის შემდეგ გარდაიცვალა.

გამოძიება საქართველოს სსკ-ის 108-ე მუხლით მიმდინარეობს, რაც განზრახ მკვლელობას გულისხმობს და 7-დან 15 წლამდე ვადით პატიმრობას ითვალისწინებს.

ყველა ახალი ამბავი
0