თბილისი, 8 ივლისი – Sputnik. უჩვეულოდ ჭარბი რაოდენობის წყალმცენარეები დაფიქსირდა ბოლო დღეებში საქართველოს შავი ზღვის სანაპირო ზოლში, კერძოდ ფოთი-გრიგოლეთი-ურეკის ტერიტორიაზე, ნათქვამია საქართველოს გარემოს ეროვნული სააგენტოს Facebook-გვერდზე.
უჩვეულო მოვლენას ფოთში ჩასული სააგენტოს სპეციალისტები სწავლობენ.
„აღებული იქნა სინჯები წყალმცენარეების ხარისხობრივი და რაოდენობრივი მაჩვენებლების, ასევე, წყლის ხარისხის ქიმიური და ბიოლოგიური კვლევის მიზნით“, - იუწყებიან სააგენტოში.
კვლევის შედეგები, რომელიც მომხდარის მიზეზებს ცხადს გახდის, უახლოეს დღეებში იქნება ცნობილი.
