თბილისი, 8 ივლისი — Sputnik. ავსტრიელმა მომღერალმა ტომ ნოივირტმა გადაწყვიტა დაასრულოს თავისი ქალური „პროექტი“ სახელწოდებით კონჩიტა ვურსტი და ისევ მამაკაცურ სტილს დაუბრუნდეს.
„ევროვიზია 2014“-ის გამარჯვებული მომღერალი საზოგადოებაში დიდი ხნის განმავლობაში ასოცირდებოდა „წვეროსან ქალთან“, მიუხედავად იმისა, რომ თავად ყოველთვის გამიჯნავდა ამ ორ ალტერ-ეგოს.
Truth Over Magnitude (Live) is now on YouTube #TruthOverMagnitude #TOMWURST
— Conchita WURST (@ConchitaWurst) June 19, 2020
👉🏼 https://t.co/xb0qxGJkNe@sonymusic_at @sonymusicde @sonymusic @Vevo @Vevo_DE pic.twitter.com/HFuAg9ocSL
მისი თქმით, ეს იმიჯი მას ათზე მეტი წლის განმავლობაში აძლევდა შესაძლებლობას, განვითარებულიყო შემოქმედებითად, მაგრამ ახლა უფრო ორგანულად ისევ მამაკაცად გრძნობს თავს.
აღსანიშნავია, რომ 29 წლის ნოივირტმა სწორედ ქალის ფორმაში მიიღო მონაწილეობა ჟან-პოლ გოტიეს ჩვენებაში და ევროპული „ცხოვრების ბალის“ სახეც კი გახდა, რომელიც შიდსთან და აივ-ინფექციასთან ბრძოლისთვის შეიქმნა.
როგორც ცნობილია, მომღერალი თავად არის აივ-ინფიცირებული. ამის შესახებ მან თვითონ განაცხადა საჯაროდ მას შემდეგ, რაც მისმა პარტნიორმა ამ ფაქტით ნოივირტის დაშანტაჟება გადაწყვიტა.