თბილისი, 26 ივნისი — Sputnik. თბილისის სახვითი ხელოვნების მუზეუმი 30 ივნისს განახლებული ექსპოზიციით გაიხსნება, ნათქვამია მუზეუმის განცხადებაში.
დამთვალიერებელმა მუზეუმში ჯანდაცვის სამინისტროს მიერ შემუშავებული რეკომენდაციები უნდა დაიცვას: ატაროს პირბადე და დაიცვას ორმეტრიანი დისტანცია. შესასვლელში სტუმრებს ელოდება თერმოსკრინინგი და ხელების დამუშავება ანტისეპტიკური ხსნარით.
„გიდით მომსახურების შემთხვევაში ტურის ხანგრძლივობა არ აღემატება 1 საათს, ხოლო ჯგუფში ადამიანების მაქსიმალური რაოდენობა არის 10, სოციალური დისტანციის გათვალისწინებით; მუზეუმის პერსონალის მხრიდან მკაცრად იქნება გაკონტროლებული ყველა ზემოთ ჩამოთვლილი წესი", - ნათქვამია მუზეუმის განცხადებაში.
მუზეუმის განცხადებაში ასევე აღნიშნულია, რომ რეკომენდებულია ბილეთის ღირებულების პლასტიკური ბარათით გადახდა.
