თბილისი, 20 ივნისი – Sputnik. ბრაზილიაში კორონავირუსული ინფექციის დადასტურებული შემთხვევების რაოდენობა 1 032 913-მდე გაიზარდა, იუწყება ქვეყნის ჯანდაცვის სამინისტრო.
ერთ დღე-ღამეში 54 771 ახალი შემთხვევა დაფიქსირდა.
სულ გამოჯანმრთელდა 507 200 ადამიანი, ექიმების დაკვირვების ქვეშ იმყოფება 476 759 ადამიანი.
ამ დროისათვის გარდაიცვალა 48 954 ადამიანი, სიკვდილიანობა შეადგენს 4,7%-ს. ბოლო დღე-ღამეში ჯანდაცვის სამინისტრომ 1 206 ახალი გარდაცვალება დააფიქსირა.
ქვეყანაში ინფექციის გავრცელების წყაროა აღმოსავლეთი შტატი სან-პაულუ და მისი დედაქალაქი, რომლის აგლომერაციაში 21 მილიონზე მეტი ადამიანი ცხოვრობს. რეგიონში 170 ათასზე მეტი ინფიცირებული და 11 ათასზე მეტი გარდაცვლილია.
ვაშინგტონის უნივერსიტეტის მეცნიერთა შეფასებით, აგვისტოს დასაწყისში კორონავირუსით გარდაცვლილთა რაოდენობა ბრაზილიაში შეიძლება გაიზარდოს სამჯერ - 125 ათასამდე
ჯანდაცვის მსოფლიო ორგანიზაციამ COVID-19-ის აფეთქებას 11 მარტს პანდემია უწოდა.
