თბილისი, 19 ივნისი — Sputnik. თბილისში, დიღმის მასივში სპეცოპერაცია მიმდინარეობს, იუწყება ტელეკომპანია „რუსთავი 2“.
გავრცელებული ინფორმაციით, სამართალდამცველებმა უცხოეთის ორი მოქალაქე დააკავეს.
სავარაუდოდ, საქმე ეხება დიდი ოდენობით ნარკოტიკის შეძენა-შენახვის ფაქტს.
ტელეკომპანიის ინფორმაციით, აღნიშნულ პირებს ერთ საცხოვრებელ კორპუსში ორი ბინა ჰქონდათ ნაქირავები, სადაც ამ დროისთვის ჩხრეკა მიმდინარეობს.
სპეცოპერაციასთან დაკავშირებით ოფიციალური ინფორმაცია არ ვრცელდება.
