თბილისი, 17 ივნისი - Sputnik. აზერბაიჯანში გასულ დღე-ღამეში კორონავირუსით ინფიცირების 329 ახალი შემთხვევა გამოვლინდა, იუწყება Sputnik-აზერბაიჯანი.
აზერბაიჯანის მინისტრთა კაბინეტთან არსებულ კორონავირუსთან ბრძოლის ოპერატიული შტაბის განცხადებით, ერთ დღე-ღამეში გამოჯანმრთელდა 127 ადამიანი, შვიდი მოქალაქე გარდაიცვალა.
თებერვლის ბოლოდან აზერბაიჯანში კორონავირუსის 10 991 ფაქტი გამოვლინდა. აქედან მკურნალობა წარმატებით გაიარა 6 075 ადამიანმა, გარდაიცვალა – 133.
საგანგებო რეჟიმის კლინიკებში კორონავირუსისგან მკურნალობას 4 783 ადამიანი აგრძელებს.
პანდემიის პერიოდში ქვეყანაში კორონავირუსის გამოსავლენად 397 399 ტესტი ჩატარდა.
