თბილისი-ბათუმის მატარებელზე პირველ დღეს ყველა ბილეთი გაიყიდა. ხანგრძლივი იზოლაციის შემდეგ ზღვაზე წასვლის სურვილი ბევრს გაუჩნდა. თუმცა, ბათუმის ქუჩებში ხალხმრავლობა მაინც არ იგრძნობა – ამაზე უცხოელი ტურისტების არყოფნამ იმოქმედა.
დამსვენებლებს კორონავირუსის არ ეშინიათ, პირბადეებს ისინი იკეთებენ მხოლოდ იქ, სადაც აუცილებელია – რათა არ დაჯარიმდნენ. ხელისუფლება და ეპიდემიოლოგები, თავის მხრივ, საზოგადოებას სიფრთხილისკენ მოუწოდებენ – შესაძლოა ეპიდემიის მეორე ტალღა დაიწყოს.
