თბილისი, 13 ივნისი — Sputnik. მუქ სამოსში გამოწყობილმა შენიღბულმა მომიტინგეებმა, რომლებიც პოლიციის ძალადობას და რასიზმს აპროტესტებენ, არასანქციონირებული აქციის დროს არეულობები მოაწყვეს - ის პარიზში რესპუბლიკის მოედანზე მიმდინარეობს, იუწყება РИА Новости.
საპროტესტო აქცია ადგილობრივი დროით 14:30 საათზე დაიწყო. მედიის მონაცემებით, მასში მონაწილეობას დაახლოებით 10 ათასი ადამიანი იღებს. იგეგმებოდა, რომ მომიტინგეები მსვლელობით გაივლიან გარნიეს ოპერის მიმართულებით, მაგრამ პოლიციის კორდონმა პროცესია არ გაატარა.
🔴 Une nouvelle journée de mobilisation contre le racisme à Paris
— Sputnik France (@sputnik_fr) June 13, 2020
Pour en savoir plus: https://t.co/QeaHj3bzcE https://t.co/sQVf4xQBND
დაახლოებით საათნახევარში შავებში ჩაცმული ახალგაზრდა მამაკაცებმა პოლიციელებს დაუშინეს ბოთლები, ქილები საღებავებით და სხვა ნაგავი. მომიტინგეები ყვიროდნენ: გაგვატარეთ, გზა მოგვეცით!“
შედეგად პოლიციამ ცრემლსადენი გაზი გამოიყენა. მომიტინგეები ცოტა ხნით მოშორდნენ კორდონს, მაგრამ როდესაც გაზი გაიფანტა, ისევ დაბრუნდნენ. ზოგიერთი მათგანი ცდილობდა მობილური ოპერატორ Orange-ის მაღაზიის ვიტრინის ჩამსხვრევას.
#SputnikPhotos | Une nouvelle mobilisation contre le racisme et les violences policières se déroule ce 13 juin à Paris
— Sputnik France (@sputnik_fr) June 13, 2020
Pour en savoir plus: https://t.co/QeaHj3bzcE pic.twitter.com/EebEI5dUbi
მას შემდეგ, რაც მინეაპოლისში პოლიციას დაკავებისას აფროამერიკელი ჯორჯ ფლოიდი შემოაკვდა, აშშ-ში, შემდეგ კი სხვა ქვეყნებში საპროტესტო ტალღამ იფეთქა.
კერძოდ, საპროტესტო აქციები საფრანგეთშიც გაიმართა. 2 ივნისს პარიზის ქუჩებში დაახლოებით 20 ათასი ადამიანი გავიდა. ბევრი აქცია არეულობებში და პოლიციასთან შეტაკებებში გადაიზარდა.
საფრანგეთის დედაქალაქში საპროტესტო აქციებზე ფლოიდის გარდა იხსენებენ 24 წლის ადამუ ტრაორეს, რომელიც 2016 წლის ზაფხულში იმ დროს გარდაიცვალა, როდესაც ის პოლიციის განყოფილებაში სამართალდამცველებთან შეტაკების შემდეგ გადაჰყავდათ.
ტრაორეს ნათესავები დარწმუნებული არიან, რომ ის პოლიციელებმა მოკლეს. ახლა აქციების ტალღა გამოწვეულია ასევე მისი გარდაცვალების მიზეზების სამართლიანი გამოძიების მოთხოვნით, ასევე იმით, რომ მისი განმეორებითი სამედიცინო ექსპერტიზის დანიშვნაზე უარი ითქვა.
