თბილისი, 12 ივნისი – Sputnik. საბურთალოზე, ქავთარაძის ქუჩაზე სახელმწიფო უსაფრთხოების სამსახურმა (სუს-მა) სპეცოპერაცია ჩაატარა.
ოპერაციის მიმდინარეობისას ადგილზე იმყოფებოდა სპეცქვედანაყოფების რამდენიმე ათეული თანამშრომელი. მიმდინარეობს ავტომობილის ჩხრეკა.
უწყებაში მოვლენის თაობაზე, გამოძიების ინტერესებიდან გამომდინარე, კომენტარს ჯერჯერობით არ აკეთებენ, მაგრამ აცხადებენ, რომ ოპერაციის შედეგებზე უახლოეს მომავალში ოფიციალურ ინფორმაციას გაავრცელებენ.
პირველმა არხმა განაცხადა, რომ დაუდასტურებელი ინფორმაციით, სპეცოპერაციის დროს დააკავეს ერთი, ეროვნებით ჩეჩენი პირი, რომელიც ამ რაიონში ბინას ქირაობდა.
