თბილისი, 10 ივნისი — Sputnik. უზრუნველყავით საკუთარი მოქალაქეები პროდუქტებით, ვინაიდან მსოფლიო შესაძლოა საკვების ნაკლებობის პრობლემას შეეჯახოს, მოუწოდა ხელისუფლებებს გაეროს გენერალურმა მდივანმა ანტონიუ გუტერიშმა.
#COVID19 is a threat to food security and nutrition, especially to the most vulnerable.
— António Guterres (@antonioguterres) June 9, 2020
Without immediate action, we could soon face a massive global food emergency with disastrous long term impacts on hundreds of millions of children and adults.https://t.co/wYGezfdu8U pic.twitter.com/6VHdmJJb5J
გუტერიშის თქმით, საკვების უკმარისობის პრობლემა უკვე აქვს 820 მლნ ადამიანს და მათი რაოდენობა თანდათან მოიმატებს პანდემიის გამო გაუარესებული მიწოდებებიდან გამომდინარე.
„თუ ზომები დაუყოვნებელივ არ იქნება მიღებული, მოახლოებული გლობალური საგანგებო ვითარება ასობით მილიონი ბავშვისა და ზრდასრულისთვის ხანგრძლივ შედეგებს მოიტანს“, — აღნიშნა გუტერიშმა.
ორგანიზაციის გენერალურმა მდივანმა რეკომენდაცია მისცა ქვეყნებს, აღიარონ კვების სისტემა ყველაზე მნიშვნელოვნად და უზრუნველყონ მათი დაცვა, ვინც ამ სფეროში მუშაობს.
გარდა ამისა, გუტერიშის რეკომენდაციით, ხელისუფლებებმა აუცილებლად უნდა გააძლიერონ ადგილებზე პროდუქტების წარმოების, ტრანსპორტისა და ადგილობრივი ბაზრების მხარდაჭერა, რათა საკვების მიწოდების სისტემამ შეუფერხებლად იმუშაოს.
აღსანიშნავია, რომ გაერომ ჯერ კიდევ აპრილის ბოლოს განაცხადა, რომ მსოფლიო შესაძლოა ბიბლიური მასშტაბის შიმშილს შეეჯახოს, თუ კვების პროდუქტების მიწოდების უსაფრთხოების უზრუნველსაყოფად დროული ღონისძიებები არ გატარდება.
გაეროს სპეციალისტების გამოთვლით, უარეს შემთხვევაში შიმშილის პრობლემა შესაძლოა 30 სახელმწიფოს დაემუქროს, რომელთაგან ათში ერთი მილიონი ადამიანი უკვე განიცდის საკვების უკმარისობას.
