თბილისი, 10 ივნისი - Sputnik. აზერბაიჯანში გასულ დღე-ღამეში კორონავირუსით ინფიცირების 339 ახალი შემთხვევა გამოვლინდა, იუწყება Sputnik-აზერბაიჯანი.
აზერბაიჯანის მინისტრთა კაბინეტთან არსებულ კორონავირუსთან ბრძოლის ოპერატიული შტაბის განცხადებით, ერთ დღე-ღამეში გამოჯანმრთელდა 114 ადამიანი, ოთხი მოქალაქე გარდაიცვალა.
თებერვლის ბოლოდან დღემდე აზერბაიჯანში კორონავირუსით ინფიცირების 8 530 ფაქტი გამოვლინდა, აქედან 4 720 პაციენტი გამოჯანმრთელდა, 102 გარდაიცვალა.
COVID-19-ით ინფიცირებული 3 708 პაციენტი საგანგებო რეჟიმის საავადმყოფოებში მკურნალობას განაგრძობს.
ქვეყანაში კორონავირუსული ინფექციის გამოსავლენად 356 032 ტესტირება ჩატარდა.
