უცნობი ფაქტები: ლიპარიტის მთა ისლანდიაში, სარაჯიშვილის ქრთამი და დაკარგული ძვირფასი ნოტები

CC0 / Pixabay / ძველი წიგნები და ღამის ნათურა საწერ მაგიდაზე
ძველი წიგნები და ღამის ნათურა საწერ მაგიდაზე - Sputnik საქართველო
ჩვენი ქვეყნისა თუ ხალხის ისტორიაში მრავლადაა მოვლენები, რომელთა შესახებ ფართო საზოგადოებას ან საერთოდ არ სმენია, ან მწირი ინფორმაცია აქვს.

ქვემოთ რამდენიმე საინტერესო ფაქტს გაგაცნობთ.

***

ქაშუეთის ეკლესია მეოცე საუკუნის დასაწყისში (1904–1910 წწ) აიგო. ხუროთმოძღვრების — ბილიფელდისა და ანდრეოლეტის პროექტის მიხედვით, ტაძარი გოტიკური სტილის ნაგებობა უნდა ყოფილიყო. თუმცა მეცენატმა დავით სარაჯიშვილმა ანდრეოლეტს დიდი ფული გადაუხადა იმისათვის, რომ პროექტი შეეცვალათ, ნიმუშად კი სამთავისის მონასტრის გამოყენება შესთავაზა. 

ძველი წიგნი - Sputnik საქართველო
ფაქტები საქართველოს ისტორიიდან: რა იცით საკუთარ ქვეყანაზე

ქრთამმა გაჭრა თუ იტალიელი არქიტექტორი სამთავისით ძალიან მოიხიბლა, ამის თქმა ძალიან ძნელია. მაგრამ ფაქტია, რომ ქაშუეთი სამთავისის მცირე ასლს წარმოადგენს.

***

1997 წლის ნოემბრის ერთ დღეს თბილისის ავტოსადგურში მოსკოვისკენ მიმავალი ავტობუსის მძღოლთან ვაჟა კილაძესთან მოხუცი ქალბატონი მივიდა და სთხოვა, ჩემი შვილიშვილი მოსკოვის კონსერვატორიაში სწავლობს და, თუ შეიძლება, ნოტებს გაგატანთ, დაგხვდებათ და გამოგართმევთო.

მძღოლმაც, ნოტები რომ არ დასვრილიყო, გაზეთში კარგად გაახვია და „ბარდაჩოკში“ შეინახა.

მაგრამ მოხდა ისე, რომ ვლადიკავკაზში ავტობუსი „ომონმა“ გააჩერა, მძღოლი კარგად სცემეს, ნოტები წაართვეს და ისე გაუშვეს.

ამ ამბიდან სამი თვეც არ იყო გასული, რომ „კრისტის“ აუქციონზე მოსკოვში სტუდენტისთვის გადასაცემი ნოტები 1,5 მილიონ ამერიკულ დოლარად გაიყიდა. ან რატომ არ გაიყიდებოდა, როცა, თურმე, ნოტები თავად იოჰან სებასტიან ბახს ეკუთვნოდა და მისი ხელით იყო შევსებული!.. 

საქართველოს მთები და ტაძრები - Sputnik საქართველო
ფაქტები ქართული ეკლესიის ისტორიიდან: მეფისთვის ნათავაზები წიხლი, გატეხილი მარხვა და სხვანი

***

ისლანდიაში, ლანდმანალოუგარის ზეგანზე მდებარე ერთ-ერთი მთა ლიპარიტის სახელს ატარებს. თუმცა, როდის და როგორ დაერქვა მთას ლეგენდარულ ბაღვაშთა სახელი, უცნობია.

სავარაუდოა, რომ ლიპარიტის სახელი საქართველოდან დაქირავებულმა ვიკინგებმა გაიტანეს, რომლებიც ამბოხებულ ერისთავ ლიპარიტ IV-სთან ომში ჩართო საქართველოს ხელისუფალმა ბაგრატ მეოთხემ.

1047 წელს სასირეთთან გამართულ ბრძოლაში, რომელშიც სამი ათასი ვიკინგიც მონაწილეობდა, ლიპარიტ ბაღვაშმა მეფე სასტიკად დაამარცხა. კლდეკარის ერისთავმა უსასყიდლოდ გაათავისუფლა დატყვევებული ვიკინგები, რომლებმაც შესაძლოა ჩაიტანეს კიდეც მწყალობელი ერისთავის სახელი ისლანდიაში. 

***

თავის დროზე შალვა ნუცუბიძემ რუსულად თარგმნა „ვეფხისტყაოსანი“ და მასში სტალინის მიერ თარგმნილი რამდენიმე სტროფიც შეიტანა.

ყველა ერთსულოვნად აქებდა ამ ნაშრომს, თვით ნუცუბიძის დაუძინებელი მტრებიც კი არ იშურებენ სახოტბო სიტყვებს. შალვა ნუცუბიძე თავისებურად განმარტავდა მოწინააღმდეგეთა კეთილ სიტყვებს და ღიმილით ამბობდა – ეშინოდათ, ემანდ სტალინის ნათარგმნი ადგილები არ გაეკრიტიკებინათ და იმიტომაც მადიდებდნენო...

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური