გია ჯაჯანიძის ცხოველებისამდე განსაკუთრებული სიყვარული მის ინტერვიუებშიც შეიმჩნევა, მაგრამ სოციალურ ქსელში ეს განსაკუთრებულად თვალშისაცემი გახდა. გარდა ამისა, რამდენიმე ხნის წინ ის გადაცემის „სხვა რაკურსი გია ჯაჯანიძესთან ერთად“ გადაღებაზე ტელეკომპანიის ეზოში ვირით მივიდა, რომელიც მას საშობაოდ აჩუქეს. ტელესახემ ვირს კოკროჭინა დაარქვა. ვირის ჩოჩორი გიას კოლეგებმა და შემოქმედებითმა ჯგუფმა უსახსოვრეს.
ამჯერად კი მწვანე ფერებში გამოწყობილი ჯაჯანიძე ამ არაორდინარული პიკაპით ცდილობს სამსახურამდე მიღწევას. მანქანას კი ტანსაცმლის ფერები შეუხამა. უცნობია, თუ ვისია აღნიშნული ავტომობილი, თუმცა გია ჯაჯანიძის მიზანს წინ ვერაფერი აღუდგება. თავად შეაფასეთ გიას ექსტრავაგანტული არჩევანი – როგორ მოგწონთ ასეთი გადაადგილების საშუალება?
View this post on Instagram
უკვე რამდენიმე კვირაა, გია ჯაჯანიძეს ახალი გადაცემის სცენარი არ დაუწერია და სტუმრები არ მოუწვევია. ეს ყველაფერი კი იმის ბრალია, რომ მსოფლიოში კორონავირუსი მძვინვარებს და ყველაფერი პარალიზებულია, მათ შორის თოქ-შოუების ჩაწერაც. ამიტომ გია ჯაჯანიძემ ალტერნატიულ ხერხს მიმართა და თაყვანისმცემლების წინაშე ლექსით წარდგა. ტელეწამყვანმა „ფოლოვერები“ სოციალური ქსელის გარშემო გააერთიანა და პოზიტიური პოსტების გამოქვეყნებას არ წყვეტს. მათ შორის არის უკანასკნელი „ინსტაგრამ-სთორი“. „სამსახურში მოვედი“ – მწვანე მანქანის ფონზე გადაღებულმა სურათმა განსაკუთრებული ყურადღება მიიქცია. საინტერესოა, როგორ მართავს ამ უზარმაზარ მანქანას ჯაჯანიძე...
გია (გიორგი) ჯაჯანიძე ერთ-ერთი ყველაზე ცნობილი სახეა ქართულ ტელესივრცეში. მსახიობობით დაწყებული კარიერა მყარი არ გამოდგა და ჯაჯანიძემ ბედი ტელევიზიაში სცადა, და საკმაოდ წარმატებითაც. მისი თქმით, რთული ცხოვრება ჰქონდა. სტუდენტობის პერიოდში ხშირად საჭმლის ფულიც კი ენატრებოდა. თუმცა, ამჟამად უზრუნველყოფილი ცხოვრება აქვს და ახლა გია ჯაჯანიძე ამერიკასა და ევროპაში ყოველ შვებულებაზე უპრობლემოდ მიემგზავრება. მართალია, პანდემიამ ყველაფერი შეაჩერა, თუმცა გია მხიარულ მეგობრებთან ერთად დაუვიწყარ გართობას საკუთარი სახლის ეზოშიც ახერხებს.
