თბილისი, 2 ივნისი – Sputnik. საქართველოში საქალაქთაშორისო ტრანსპორტით მგზავრობა თითქმის 2,5-ჯერ ძვირდება, იუწყება ტელეკომპანია Imedi.
საქართველოში საქალაქთაშორისო ტრანსპორტის მოძრაობა, რომელიც კორონავირუსის გავრცელების პრევენციის მიზნით 24 მარტს აიკრძალა, 8 ივნისიდან აღდგება.
მგზავრობის საფასურის გაძვირების მიზეზად მძღოლები სოციალური დისტანციის დაცვის აუცილებლობას ასახელებენ, რის გამოც მათ გაცილებით ნაკლები რაოდენობის მგზავრების მომსახურება მოუწევთ.
მძღოლების თქმით, ადრე სამარშრუტო მიკროავტობუსები ბოლომდე ივსებოდა და ერთდროულად 22 ადამიანი გადაჰყავდათ, ახლა კი მათ გაცილებით ნაკლები ადამიანი გადაჰყავთ, რამაც ფასების ზრდა გამოიწვია.
