თბილისი, 31 მაისი — Sputnik. აშშ-ს 17 ქალაქში არეულობების დროს სამართალდამცველებმა დაახლოებით 1400 ადამიანი დააკავეს: სააგენტო THE ASSOCIATED PRESS-ის მონაცემებით ხუთშაბათიდან, როდესაც ქვეყანა პროტესტის ტალღამ მოიცვა, დაკავებულია სულ მცირე 1383 ადამიანი, იუწყება РИА Новости.
ქალაქ ინდიანაპოლისში (ინდიანას შტატი) არეულობების დროს სროლისას დაიღუპა ერთი და სულ მცირე ორი ადამიანი დაიჭრა, იუწყება ადგილობრივი გაზეთი Indy Star პოლიციაზე დაყრდნობით. მიმდინარეობს მომხდარის გამოძიება, მაგრამ სამართალდამცველები დარწმუნებულები არიან, რომ პოლიციას არ უსვრია. ქალაქის პოლიციას დაშავებულთა და დაღუპულის ვინაობას არ ასაჯაროებს.
Kamala Harris is outside the White House with protesters. https://t.co/CWhiGUD0OG
— Kyle Griffin (@kylegriffin1) May 30, 2020
პოლიციის მონაცემებით, არეულობის დროს მომიტინგეები თავს ესხმოდნენ პოლიციელებს, ამსხვრევდნენ ადმინისტრაციული შენობების ფანჯრებს, მოგვიანებით კი სროლა ატეხეს. ქალაქის პოლიციის უფროსმა რენდალ ტეილორმა მოქალაქეებს სისასტიკის შეწყვეტისკენ მოუწოდა.
მინეაპოლისში და აშშ-ის სხვა ქალაქებში არეულობა მას შემდეგ დაიწყო, რაც 25 მაისს პოლიციის თანამშრომლებს აფროამერიკელი ჯორჯ ფლოიდი შემოაკვდათ. ინტერნეტით გავრცელებულ ვიდეოში ჩანს, რომ ხელბორკილიანი მამაკაცი ასფალტზე წევს, ხოლო პოლიციელი კისერზე მუხლით ებჯინება. დაკავებული რამდენჯერმე იმეორებს, რომ სუნთქვა და მოძრაობა უჭირს, შემდეგ კი ლაპარაკს წყვეტს. მოგვიანებით ის რეანიმაციაში გარდაიცვალა.
Share widely: National guard and MPD sweeping our residential street. Shooting paint canisters at us on our own front porch. Yelling “light em up” #JusticeForGeorgeFloyd #JusticeForGeorge #BlackLivesMatter pic.twitter.com/bW48imyt55
— Tanya Kerssen (@tkerssen) May 31, 2020
მომხდარის შემდეგ დაკავების მონაწილე ოთხივე პოლიციელი გაათავისუფლეს სამსახურიდან, ერთ-ერთი გაუფრთხილებლობით მკვლელობაშია ბრალდებული.
რამდენიმე ქალაქში კომენდანტის საათი შემოიღეს. Wall Street Journal ასახელებს ისეთ ქალაქებს, როგორიც არის ლოს-ანჯელესი, ატლანტა და მინეაპოლისი, სადაც ფლოიდი გარდაიცვალა. Washington Post ასევე ასახელებს ლუისვილს, დენვერს, ფილადელფიას, ჩიკაგოს, ცინცინატის, პორტლენდს, კოლუმბიას, სიეტლს, ტოლედოს, როჩესტერსა და მილუოკის. გამოცემის ინფორმაციით, არეულობების მონაწილეები აგრძელებენ პროტესტებს და ხელისუფლების მიერ დაწესებულ შეზღუდვებს ყურადღებას არ აქცევენ. ამერიკული გამოცემა Hill აღნიშნავს, რომ დემონსტრანტების დასაშლელად პოლიცია ძალას იყენებს, ზოგიერთი შტატის გუბერნატორი აშშ-ის ეროვნული გვარდიის მეომრების მობილიზაციას ახდენენ.
