საზღვრები არ გაიხსნება: რას ნიშნავს ტურისტული სეზონის გახსნა საქართველოში

© Sputnik / Alexander Imedashviliტურისტები ორბელიანის მოედანზე
ტურისტები ორბელიანის მოედანზე - Sputnik საქართველო
გამოწერა
უცხოელებს, რომლებიც ამ ზაფხულს შვებულების გატარებას საქართველოში გადაწყვეტენ, კორონავირუსზე ტესტი ჩამოსვლამდე 72 საათის მანძილზე უნდა ჰქონდეთ გაკეთებული.

თბილისი, 28 მაისი – Sputnik. საერთაშორისო ტურისტების მიღების დაწყება არ ნიშნავს საზღვრების გახსნას, განაცხადა პრემიერ-მინისტრმა გიორგი გახარიამ.

გახარია: საქართველო მზად არის მიიღოს დამკვირვებლების უპრეცედენტო რაოდენობა არჩევნებზე >>

საქართველო შიდა ტურიზმის გახსნას 15 ივნისს გეგმავს, ხოლო საერთაშორისო მოგზაურების მიღება ქვეყანაში 1 ივლისიდან დაიწყება.

„როდესაც ვსაუბრობთ, რომ საქართველო უნდა იყოს ერთ-ერთი პირველი ქვეყანა, რომელიც ტურიზმს გახსნის, აქ ვსაუბრობთ არა იმაზე, რომ საზღვრები გავხსენით და ეს ხალხი ასე უკონტროლოდ შემოვიდა, არამედ ჩვენ ვსაუბრობთ კონკრეტულ სუფთა დერეფნებზე“, – აღნიშნა გიორგი გახარიამ.
აბანოთუბანში პირბადეებით სეირნობენ - Sputnik საქართველო
რომელი შეზღუდვის მოხსნაა ყველაზე მეტად სარისკო - თენგიზ ცერცვაძის მოსაზრება

ამასთან, მისი თქმით, საუბარია მხოლოდ ორგანიზებულ ტურისტულ ჯგუფებზე, რომლებიც დაისვენებენ კონკრეტულ სასტუმროებში, ისარგებლებენ გარკვეული ტრანსპორტით და მომსახურებით. ასევე დამსვენებლებს კორონავირუსზე ტესტი ქვეყანაში ჩამოსვლამდე 72 საათის მანძილზე უნდა ჰქონდეთ გაკეთებული.

„სხვა შემთხვევაში ჩვენ უბრალოდ რეპუტაციულად ჩვენი ტურიზმის ბრენდს და სექტორს ვაყენებთ რისკის ქვეშ“, – განაცხადა გახარიამ.

მან ხაზგასმით აღნიშნა, რომ საქართველოს უსაფრთხო ქვეყნის პოზიციონირების პრეტენზია გააჩნია და ამიტომ ხელისუფლებამ უნდა უზრუნველყოს, რომ საქართველოში ვიზიტის დროს უცხოელები COVID-19-ით არ დაინფიცირდებიან.

ყველა ახალი ამბავი
0