საქართველოში სვანური ლეგენდების მოტივებზე კომიქსი შექმნეს

© photo: Sputnik / Stringerკომიქსი
კომიქსი - Sputnik საქართველო
გამოწერა
კომიქსი ქართულ და ინგლისურ ენებზე შეიქმნა და გავრცელდება როგორც სოციალურ ქსელებში, ისე ბეჭდური სახით

თბილისი, 26 მაისი — Sputnik. ქართულმა სარეკლამო სააგენტომ ABK შექმნა კომიქსი ცნობილი სვანური ლეგენდის მიხედვით, რომელიც მოგვითხრობს ბეთქილზე - მამაც მონადირეზე, სვანური მითოლოგიის გმირზე და ნადირობის ქალღმერთ დალიზე.

კომიქსი, რომელიც საკომუნიკაციო კომპანია Georgia Guide Office-თვის შეიქმნა, ქართულ და ინგლისურ ენებზე შეიქმნა და გავრცელდება როგორც სოციალურ ქსელებში, ისე ბეჭდური სახით.

„ლამაზი ბუნებისა და პეიზაჟების გარდა, სვანეთში კიდევ ბევრი რამის აღმოჩენა შეიძლება. ადგილობრივებისთვის სვანური ლეგენდები ძალიან ბევრს ნიშნავს. უძველესი მითების მისტიკა დღემდე გადაჯაჭვულია სვანების ყოველდღიურ ცხოვრებასთან“, - ნათქვამია პროექტის ავტორების განცხადებაში.

ილუსტრაციებზე იმუშავა მხატვარმა დავით თომაშვილმა, ირაკლი დოლიძემ შექმნა და დაბეჭდა კომიქსები, ხოლო კოპირაიტერმა მიშკა სეხნიაშვილმა ტექსტზე იზრუნა. ბეთქილისა და დალის ისტორიის გარდა, სააგენტო კომიქსების გამოშვებას სხვა ლეგენდების მიხედვითაც გეგმავს.

ყველა ახალი ამბავი
0