თბილისი, 19 მაისი – Sputnik. სასტუმრო „წყალტუბო პლაზაში“ საკარანტინო ზონა დაიხურა, განუცხადა დაავადებათა კონტროლის ცენტრის იმერეთის სამმართველოს უფროსმა გოჩა გიორგაძემ საზოგადოებრივი მაუწყებლის "პირველ არხს".
გიორგაძის ინფორმაციით, იმერეთის რეგიონში საკარანტინო ზონა კიდევ სამი სასტუმროს ტერიტორიაზე ფუნქციონირებს – „პრომეთე“ და „წყალტუბო სპა“ წყალტუბოში და საირმის ერთ-ერთ სასტუმროში.
ამ დროისთვის რეგიონში საკარანტინო ზონებში 197 ადამიანი იმყოფება.
საქართველოში კარანტინისთვის მთელი ქვეყნის მასშტაბით 86 სხვადასხვა სასტუმროა მომზადებული. მთლიანობაში მობილიზებულია 6 568 სასტუმროს ნომერი.