თბილისი, 16 მაისი - Sputnik. თურქმენეთის საგარეო საქმეთა სამინისტრომ განაცხადა, რომ მსოფლიო სავაჭრო ორგანიზაციაში (WTO) დამკვირვებლის სტატუსით შესვლა სურს, იუწყება РИА Новости.
თურქმენეთის მხარემ WTO-ს გენერალური დირექტორის, რობერტუ აზევედუს სახელზე გადაგზავნა წერილი-განაცხადი ორგანიზაციაში დამკვირვებლის სტატუსით შესვლის შესახებ.
„WTO-ში გაწევრიანების პროცედურების თანახმად, ორგანიზაციაში დამკვირვებლის სტატუსით თურქმენეთის მიღების საკითხი იქნება განხილული WTO-ს გენერალური საბჭოს მორიგ სხდომაზე, რომელიც უახლოეს მომავალში გაიმართება“, - ნათქვამია თურქმენეთის საგარეო საქმეთა სამინისტროს განცხადებაში.
WTO-ში თურქმენეთის გაწევრიანების საკითხი პირველად წამოიჭრა ცხრა წლის წინ ევროკომისიის მაშინდელი თავმჯდომარის, ჟოზე-მანუელ ბაროზუს მიერ. 2011 წელს აშხაბადში ვიზიტის დროს მან შესთავაზა ქვეყნის მაშინდელ პრეზიდენტ გურბანგული ბერდიმუჰამედოვს შეიტანოს განაცხადი მსოფლიო სავაჭრო ორგანიზაციაში შესვლაზე. აშხაბადი მიიჩნევს, რომ WTO-ში გაწევრიანება ეროვნულ ეკონომიკას განვითარების იმპულსს შესძენს და უცხოელ პარტნიორებთან ურთიერთქმედებას გააფართოებს.
