თბილისი, 14 მაისი — Sputnik. პოლიციამ დააკავა ქალი და მამაკაცი, რომლებსაც ჩემოდნით ადამიანის გვამის ნაწილები გადაჰქონდათ, იუწყება გამოცემა Mirror.
გავრცელებული ინფორმაციით, შემთხვევა უელსისა და ინგლისის საზღვარზე მოხდა.
„ბირმინჰემელი 20 წლის ქალი და ვურველჰემპტონელი 30 წლის მამაკაცი, რომლებიც მკვლელობაში არიან ეჭვმიტანილი, დაპატიმრებული არიან“, — ნათქვამია პოლიციის განცხადებაში.
ირკვევა, რომ პოლიციის ოფიცერმა საეჭვო წყვილი მაშინ გააჩერა, როდესაც ისინი გზის გაყოლებაზე მისეირნობდნენ, და ჩემოდნის გახსნა მოსთხოვა.
ამ დროისათვის მიმდინარეობს ცხედრის დანარჩენი ნაწილების ძებნა.
