თორნიკე შენგელია და „ბასკონია“ ვარჯიშს განაახლებენ

© photo: Sputnik / Grigory Sysoev / გადასვლა მედიაბანკშითორნიკე შენგელია
თორნიკე შენგელია - Sputnik საქართველო
გამოწერა
ესპანური გუნდის ყველა კალათბურთელი ვალდებულია დარბაზში მისვლისა და მისი დატოვებისას ხელთათმანები და დამცავი ნიღბები ეკეთოს

თბილისი, 11 მაისი - Sputnik. კალათბურთის კლუბი „ბასკონია“, რომლის კაპიტანიც თორნიკე შენგელიაა, COVID-19-ის ეპიდემიასთან დაკავშირებული პაუზის შემდეგ ვარჯიშს უბრუნდება, აღნიშნულია ესპანური გუნდის ვებგვერდზე.

კალათბურთელები სამდღიან სამედიცინო შემოწმებას გაივლიან და ოთხშაბათამდე, 13 მაისამდე, ვარჯიშს შეუდგებიან. მოედანზე ერთდროულად შეიძლება იმყოფებოდეს არაუმეტეს ექვსი მოთამაშე, დისტანცია კი კალათბურთელებს შორის ოთხ მეტრზე ნაკლები არ უნდა იყოს.

ზაზა ფაჩულია - Sputnik საქართველო
ზაზა ფაჩულიას აკადემიამ ონლაინ–გაკვეთილები დაიწყო

გარდა ამისა, კლუბის ყველა კალათბურთელი ვალდებულია დარბაზში მისვლისა და მისი დატოვებისას ხელთათმანები და დამცავი ნიღბები ეკეთოს.

კორონავირუსის პანდემიის გამო ესპანეთის კალათბურთის ჩემპიონატის ჩატარების რეგლამენტი შეიცვალა. ტურნირის შეწყვეტამდე კლუბებმა 23 ტური ჩაატარეს, ჩემპიონობისთვის ბრძოლას 12 გუნდი განაგრძობს. ამ მომენტისთვის „ბასკონია“ მერვე ადგილზეა.

ჯერ არ არის ცნობილი, როდის განახლდება ესპანეთის კალათბურთის ჩემპიონატი, მაგრამ აღსანიშნავია, რომ თუ ეს 10 ივლისამდე არ მოხდება, სეზონი გაუქმდება.

ყველა ახალი ამბავი
0