თბილისი, 8 მაისი — Sputnik. კომპანია SpaceX-ის და Tesla-ს დამფუძნებელმა ილონ მასკმა განმარტა, როგორ უნდა წარმოითქვას მისი მეექვსე ვაჟის უჩვეულო სახელი, რომელსაც დედამ, მომღერალმა გრაიმსმა (კლერ ბუშე) X Æ A-12 დაარქვა.
„ექს–ეშ–ეი–თველვ“, — ასე უპასუხა მასკმა კომიკოს ჯო როგანის შეკითხვას რადიოეთერში.
მანამდე სახელის „ავტორმა“, მილიარდერის მეუღლე გრაიმსმა შვილის სახელი შემდეგნაირად ახსნა: X — უცნობი ცვლადია, Æ — აბრევიატურა AI-ის (სიყვარული/ხელოვნური ინტელექტი) ელფიური დამწერლობა, ხოლო A მისი საყვარელი სიმღერის Archangel-ის („მთავარანგელოზი“) აღმნიშვნელია.
ილონ მასკსა და გრაიმსს ვაჟი მიმდინარე წლის 4 მაისს შეეძინათ. მომღერლისთვის ეს პირველი შვილია, მილიარდერს კი უკვე ჰყავს ხუთი შვილი პირველ მეუღლესთან ჟიუსტინ უილსონთან.
