Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

კახეთში ინფიცირებული ექიმის ოჯახის წევრებს, პაციენტებსა და კოლეგებს ვირუსი არ დაუდასტურდათ

© photo: Sputnik / Kirill Kallinikov / გადასვლა მედიაბანკშიტესტი კორონავირუსზე
ტესტი კორონავირუსზე - Sputnik საქართველო
გამოწერა
ყვარლის საავადმყოფოს დაინფიცირებული ექიმის ოჯახის წევრებსა და 147 საკონტაქტო პირიდან 62 ადამიანს უკვე ჩაუტარდა ლაბორატორიული კვლევა და პასუხები უარყოფითია. კვლევები გრძელდება.

თბილისი, 3 მაისი – Sputnk. კახეთში ინფიცირებული ექიმის ოჯახის წევრებსა და კონტაქტში მყოფ 62 პირს კორონავირუსი არ დაუდასტურდათ, იუწყება საზოგადოებრივი მაუწყებლის პირველი არხი.

ორ მაისს, კახეთის რეგიონში კორონავირუსით ინფიცირების პირველი შემთხვევა დადასტურდა. კახეთიდან გუშინ ლუგარის ლაბორატორიაში 325 პირის ნიმუში გააგზავნეს და კორონავირუსი მხოლოდ ერთს აღმოაჩნდა. Covid-19 ყვარლის სასწრაფო დახმარების ექიმს დაუდასტურდა.

ყვარელი - Sputnik საქართველო
COVID-19-ის პირველი შემთხვევა კახეთში: ჩაიკეტება თუ არა ყვარლის მუნიციპალიტეტი

დაავადებათა კონტროლისა და ჯანმრთელობის ცენტრის კახეთის განყოფილების უფროსმა ნელი ხიზანიშვილმა განაცხადა, რომ ყვარლის საავადმყოფოს დაინფიცირებული ექიმის ოჯახის წევრებსა და 147 საკონტაქტო პირიდან 62 ადამიანს უკვე ჩაუტარდა ლაბორატორიული კვლევა და პასუხები უარყოფითია.

მისივე თქმით, კვლევა დანარჩენ პირებზეც გრძელდება.

ნელი ხიზანიშვილის ინფორმაციით, ლაგოდეხის „ცხელების ცენტრში“ შაბათს მოთავსებული მამაკაცის ნიმუშის ტესტირების პასუხიც უარყოფითია.

კახეთის მხარეში სახელმწიფო რწმუნებულის, ირაკლი ქადაგიშვილის განცხადებით, ამ ეტაპზე ყვარლის შესაძლო ჩაკეტვა ან ზომების გამკაცრება არ იგეგმება.

„დღეს ამის არავითარი მოლოდინი არ არის. ჩვენ გუშინაც ვსაუბრობდით, რომ შემდგომი ნაბიჯები დამოკიდებული იქნება ეპიდემიოლოგიურ სიტუაციაზე. დღევანდელი დილის კვლევებით, რაც ვიცით, არც ერთი ახალი შემთხვევა არ დასტურდება, მხოლოდ და მხოლოდ ერთი არსებული შემთხვევა გვაქვს. ამიტომ, რეჟიმი არ იცვლება. ეპიდემიოლოგები და სხვა კომპეტენტური ორგანოები აგრძელებენ ყველა კონტაქტის საბოლოოდ გადამოწმებას, რომ არც ერთი გადაუმოწმებელი ფაქტი არ დაგვრჩეს. ამ ეტაპზე 147 კონტაქტია გამოკვეთილი“, - განაცხადა ქადაგიშვილმა.

ამირან გამყრელიძე - Sputnik საქართველო
„საქართველო პიკზეა“ - ამირან გამყრელიძე სიფრთხილისკენ მოუწოდებს

მისი თქმით, რეგიონში მოსახლეობის თერმოსკრინინგი გრძელდება, განსაკუთრებით კი მოწყვლად ჯგუფებში, როგორებიც არიან ექიმები, პოლიციელები და ასე შემდეგ.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. ამ დროისათვის, ქვეყანაში ინფიცირებულთა რაოდენობა 589-ს აღწევს. აქედან გამოჯანმრთელდა 215 ადამიანი, რვა პაციენტი გარდაიცვალა.

ყველა ახალი ამბავი
0