თბილისი, 1 მაისი – Sputnik. აზერბაიჯანში კორონავირუსით ინფიცირების 50 ახალი შემთხვევა დაფიქსირდა იუწყება „Sputnik–აზერბაიჯანი“.
ამავე დროს COVID-19-სგან განიკურნა 40 ადამიანი.
გარდაიცვალა 63 წლის პაციენტი, რომელსაც არტერიული ჰიპერტენზია, შაქრიანი დიაბეტი და გულის იშემიური დაავადება ჰქონდა.
დღევანდელი მდგომარეობით, აზერბაიჯანში ინფიცირებულია 1854 ადამიანი. აქედან 1365-მა პაციენტმა დაასრულა მკურნალობა და გაეწერა კლინიკებიდან. ქრონიკული დაავადებების გართულებებისგან 25 ადამიანი გარდაიცვალა.
ამჟამად სპეციალიზებულ სამედიცინო დაწესებულებებში კორონავირუსზე 464 ადამიანი მკურნალობს. აქედან 15-ის მდგომარეობა კრიტიკულია.
