თბილისი, 29 აპრილი - Sputnik. გორის სმხედრო ჰოსპიტალმა დაადასტურა ინფორმაცია ერთ-ერთი თანამშრომლის, კერძოდ კი უმცროსი ექთნის კორონავირუსით ინფიცირების შესახებ.
„გორის სამხედრო ჰოსპიტალის უმცროს მედდას გეგმიური PCR ტესტირებისას დაუდასტურდა COVID-19. ექთანს ჰოსპიტალის ექიმებთან შესაბამისი აღჭურვილობის გარეშე კონტაქტი რ ჰქონია, თუმცა ამის მიუხედავად მასთან შემხებლობაში მყოფ პერსონალს ჩაუტარდა ტესტირება და ყველა მათგანის პასუხი უარყოფითია“, - აცხადებენ ჰოსპიტალში.
ასევე აღნიშნულია, რომ ჰოსპიტლის გარეთ მოძიებულია ყველა კონტაქტი და მიმდინარეობს ეპიდემიოლოგიური მოკვლევა.
ამ დროის მონაცემებით, საქართველოში COVID-19-ით ინფიცირებულთა რაოდენობამ 517-ს მიაღწია, გამოჯანმრთელდა 178, კარანტინში იმყოფება 5153 ადამიანი, სტაციონარებში მეთვალყურეობის ქვეშ 549 პაციენტია.
