თბილისი, 26 აპრილი - Sputnik. გასულ დღე-ღამეში რუსმა მედიკოსებმა კორონავირუსით ინფიცირების 6 361 ახალი შემთხვევა გამოავლინეს, ნათქვამია პორტალზე стопкоронавирус.рф.
ერთ დღე-ღამეში ინფექციით გარდაიცვალა 66 პაციენტი, 517 ადამიანი გაეწერა კლინიკებიდან.
ინფიცირებულთა საერთო რაოდენობა ქვეყანაში 80 949-მდე გაიზარდა, ეპიდემიის დაწყებიდან გარდაიცვალა 747 ადამიანი, გამოჯანმრთელდა 6 767 პაციენტი.
ახალი შემთხვევები 83 რეგიონშია რეგისტრირებული. აქედან თითქმის ნახევარი (2 920) - კლინიკური გამოვლინებების გარეშე.
11 მარტს ჯანმომ კორონავირუსის აფეთქება პანდემიად გამოაცხადა. ურთულესი მდგომარეობაა აშშ-ში, იტალიაში, ესპანეთში, საფრანგეთში, ინგლისში. ჩინეთში, საიდანაც გავრცელდა კორონავირუსი, ეპიდემია უკვე დასრულდა - COVID-19-ის ყველა ახალი შემთხვევა იმპორტირებულია. მთელი მსოფლიო მასშტაბით კორონავირუსით ინფიცირებულთა რაოდენობა 2 931 923 ადამიანს შეადგენს, გარდაიცვალა სულ 203 596 ადამიანი. დაავადება გავრცელებულია 210 ქვეყანასა და ტერიტორიაზე.
