Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ნათია თურნავა: კომპანიებში დასაქმებულების სახელფასო ტვირთს სახელმწიფო გაინაწილებს

გამოწერა
საქართველოში კორონავირუსის ეპიდაფეთქების ფონზე საგანგებო მდგომარეობა მოქმედებს და შეღუდულია ეკონომიკური საქმიანობა

თბილისი, 24 აპრილი - Sputnik. საშემოსავლო გადასახადთან დაკავშირებით შეღავათი, პირველი რიგში, მიმართულია იქითკენ, რომ კომპანიებმა მაქსიმალურად შეინარჩუნონ დასაქმებულები და არ დადგეს კითხვის ქვეშ ადამიანთა დასაქმება, განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე. 

მაღაზიაში - Sputnik საქართველო
ანტიკრიზისული გეგმა მზადაა – საქართველოს მთავრობა მოსახლეობას დაეხმარება

საქართველოს მთავრობამ დღეს ანტიკრიზისული გეგმა დაამტკიცა, რომელიც კორონავირუსის პანდემიის შედეგების გადასალახად მოსახლეობისა და ბიზნესის დახმარებას ითვალისწინებს.
თურნავას განცხადებით, სახელმწიფო  კომპანიებთან ერთად გაინაწილებს სახელფასო ტვირთს, რათა დასაქმებულებმა სამუშაო ადგილები არ დაკარგონ. მისი თქმით, ანტიკრიზისული ეკონომიკური გეგმის ფარგლებში,  ექვსი თვის განმავლობაში შეღავათი შეეხება  ნებისმიერ კომპანიაში დასაქმებულ ადამიანებს, რომელთა ხელფასიც არის 1500 ლარი ან ნაკლები.

როგორც ეკონომიკის მინისტრმა აღნიშნა,  შეღავათი არ შეეხება მაღალი რანგის მენეჯმენტს. მისი თქმით, 1500 ლარამდე ხელფასის მქონე პირებს ხელფასის სულ მცირე, 750 ლარის ოდენობაზე საშემოსავლო გადასახადი არ დაეკისრებათ. 

„ეს შეღავათი, ერთი შეხედვით, კომპანიას უმსუბუქებს საგადასახადო ტვირთს, მაგრამ საბოლოო ჯამში ის ემსახურება იმას, რომ ადამიანებმა არ დაკარგონ თავიანთი სამუშაო ადგილები და ხელფასები. მათ შორის, შეღავათი იმათაც შეეხება, ვისაც უკვე აქვს გადავადებული ეს გადასახადი,“ – განაცხადა ეკონომიკის და მდგრადი განვითარების მინისტრმა.

კახა კალაძე - Sputnik საქართველო
კალაძემ მთავრობის მიერ წარმოდგენილ ანტიკრიზისულ გეგმას მაღალი შეფასება მისცა

როგორც დღეს გახდა ცნობილი, ანტიკრიზისული გეგმის ფარგლებში,  ყველა ის კომპანია, რომელიც შეინარჩუნებს სამუშაო ადგილს, 6 თვის განმავლობაში 750 ლარამდე ხელფასებზე მიიღებს სრულ სუბსიდიას საშემოსავლო გადასახადზე. იმავე  სახის სუბსიდიას მიიღებს ყველა სამუშაო ადგილი, სადაც ხელფასი არის 1500 ლარამდე, 750 ლარის ოდენობაზე გათავისუფლდება საშემოსავლო გადასახადისგან.  ამ პროგრამაზე მთავრობა 250 მილიონ ლარს დახარჯავს.

საქართველოში კორონავირუსის ეპიდაფეთქების ფონზე საგანგებო მდგომარეობა მოქმედებს და შეზღუდულია ეკონომიკური საქმიანობა. დახურვის საფრთხის ქვეშ აღმოჩნდა მომსახურებისა და ტურიზმის სფეროები. აქ მომუშავე ბევრი ადამიანი უმუშევარი დარჩა. უმუშევრად დარჩენილების ზუსტი რაოდენობა ამ დროისთვის უცნობია. 

ყველა ახალი ამბავი
0