თბილისი, 22 აპრილი - Sputnik. აზერბაიჯანის ტერიტორიაზე ბოლო დღე-ღამეში კორონავირუსული ინფექციით დაავადების 38 ახალი შემთხვევა გამოვლინდა, იუწყება „Sputnik-აზერბაიჯანი“.
ამის პარალელურად, ერთ დღეში გამოჯანმრთელდა და სახლში გაეწერა 42 პაციენტი.
ოპერატიული შტაბის მონაცემების თანახმად, თებერვლის ბოლოდან 22 აპრილამდე რესპუბლიკაში COVID-19-ის დიაგნოზი 1518 ადამიანს დაუსვეს. მათგან 907 პაციენტი სრულად განიკურნა. ოცი, რომელსაც სერიოზული ქრონიკული დაავადებები აწუხებდა, გარდაიცვალა.
ამჟამად სპეციალიზებულ სამედიცინო დაწესებულებებში 591 პაციენტი მკურნალობს. მათ შორის 14-ის მდგომარეობა კრიტიკულია, 21-ის - ზომიერი, დანარჩენების ჯანმრთელობის მდგომარეობას მედიკოსები ახასიათებენ, როგორც სტაბილურს.
მთლიანობაში აზერბაიჯანში კორონავირუსის შემთხვევების გამოსავლენად 108 221 ტესტირება ჩატარდა.
