თბილისი, 21 აპრილი - Sputnik. საქართველოში ავტომობილების მოძრაობა 27 აპრილიდან აღდგება, განაცხადა საქართველოს პრემიერ-მინისტრის მრჩეველმა, მთავრობის პრეს-სპიკერმა ირაკლი ჩიქოვანმა საგანგებო ბრიფინგზე.
კორონავირუსის გავრცელების პრევენციის მიზნით საქართველოში 17 აპრილიდან მსუბუქი ავტომობილებით გადაადგილება აიკრძალა.
„საკოორდინაციო საბჭოს გადაწყვეტილებით, ავტომობილებით გადაადგილებაზე აკრძალვა კვირის ბოლომდე, ანუ 27 აპრილამდე გაგრძელდება“, – განაცხადა ჩიქოვანმა.
როგორც მან აღნიშნა, ხელისუფლებას კარგად ესმის იმ ადამიანების უკმაყოფილება, ვინც ქუჩაში ავტომობილით მოძრაობს.
„მაგრამ შეგახსენებთ, რომ შეზღუდვები არ შეეხება მათ, ვისი საქმიანობაც საგანგებო მდგომარეობის პირობებში ნებადართულია“, – დასძინა მან.
აღნიშნული შეზღუდვა არ ეხება სატვირთო ავტომობილებს, დისტრიბუციისა და მიწოდების სერვისებს, ასევე საჯარო სამსახურის თანამშრომლებსა და ჟურნალისტებს, რომელთაც სპეციალური საშვი აქვთ.
