წმინდა ცეცხლი იერუსალიმიდან საქართველოში ჩამოიტანეს

© photo: Sputnik / Alexander Imedashviliწმინდა ცეცხლი
წმინდა ცეცხლი - Sputnik საქართველო
გამოწერა
უახლოეს დროს წმინდა ცეცხლს მიიტანენ საქართველოში არსებულ ყველა ტაძარში, სადაც ახლა საზეიმო წირვა მიმდინარეობს

თბილისი, 18 აპრილი - Sputnik. საქართველოში ისრაელიდან სპეცრეისით ჩამოიტანეს წმინდა ცეცხლი, რომელიც საქართველოს ტაძრებში გადანაწილდება, იუწყება ტელეარხი Imedi.

ნამდვილი სასწაული: წმინდა ცეცხლის გარდამოსვლა იერუსალიმში >>

წინა წლებთან შედარებით, ამჯერად ქართველი სასულიერო პირები, რომლებიც წმინდა ცეცხლის ჩამოსატანად ისრაელში გაემგზავრნენ, თვითმფრინავიდან არ გადმოსულან. ცეცხლი პირდაპირ თვითმფრინავში აიტანა ისრაელში საქართველოს ელჩმა ლაშა ჟვანიამ.

 აღდგომის ტაძარი - Sputnik საქართველო
ქრისტე აღდგა! იერუსალიმში ცარიელ აღდგომის ტაძარში ღვთიური ცეცხლი გადმოვიდა - ვიდეოკადრები

ამავე თვითმფრინავმა ჩამოიყვანა სამშობლოში საქართველოს 152 მოქალაქე, რომლებიც ჩამოსვლისთანავე კარანტინში მოთავსდებიან.

წელს კორონავირუსის პანდემიის გამო ცეცხლის გადმოსვლის ცერემონიას იერუსალიმში ვერ დაესწრო ათასობით მომლოცველი, რომლებიც ამ დროს წმინდა ცეცხლის მოლოდინში აღდგომის ტაძარს ავსებენ.

მაგრამ, მიუხედავად ამისა, დღეს, დიდ შაბათს ცეცხლი გადმოვიდა. ქრისტიანული სამყაროს მთავარ წმინდა ადგილას რწმენის ამ სიმბოლოს მიღება პირველებმა მხოლოდ სასულიერო პირებმა შეძლეს.

ცეცხლი გადმოდის ლიტანიობის დროს - განსაკუთრებული ლოცვის დროს, რომელსაც იერუსალიმის პატრიარქი აღავლენს. პატრიარქი სამჯერ შემოუვლის კუბუკლიას - ქრისტეს საფლავის თავზე აგებულ სამრეკლოს, რომელიც ტაძრის ცენტრში მდებარეობს. შემდეგ შედის კუბუკლიაში, სადაც ცეცხლის გადმოსვლისთვის ლოცულობს.

ყველა ახალი ამბავი
0