Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ინგლისის პრემიერ-მინისტრი კლინიკიდან გაწერეს და კარანტინში გადაიყვანეს

© photo: Sputnik / Justin Griffiths-Williams / გადასვლა მედიაბანკშიბორის ჯონსონი
ბორის ჯონსონი - Sputnik საქართველო
გამოწერა
ბორის ჯონსონი ამჟამად ქალაქგარეთ მდებარე რეზიდენციაში იმყოფება, მუშაობის დაწყებას მას ექიმები ჯერჯერობით არ ურჩევენ

თბილისი, 12 აპრილი – Sputnik. დიდი ბრიტანეთის პრემიერ-მინისტრი ბორის ჯონსონი გაწერეს კლინიკიდან, სადაც ის კორონავირუსისგან მკურნალობდა, შესაბამისი განცხადება პრემიერ-მინისტრის კანცელარიის ოფიციალურმა წარმომადგენელმა გააკეთა.

მედიკოსები - Sputnik საქართველო
კორონავირუსი აშშ-ში, იტალიაში და მსოფლიოში - ბოლო მონაცემები 12 აპრილისთვის

ჯონსონმა კორონავირუსის ინფიცირების შესახებ განცხადება 27 მარტს გააკეთა. იმ დროიდან ის თვითიზოლაციაში იმყოფებოდა, თუმცა მუშაობას აგრძელებდა. 3 აპრილს გამოვიდა ვიდეომიმართვით და განაცხადა, რომ მას მაღალი სიცხე აქვს. ორი დღის შემდეგ ჯონსონის კანცელარიამ განაცხადა, რომ პრემიერი კლინიკაშია და ანალიზებს აბარებს, ხაზი გაესვა, რომ გადაუდებელი ჰოსპიტალიზაციის შესახებ საუბარი არ ყოფილა. მეორე დღეს პრემიერის ოფისმა განაცხადა, რომ ჯონსონის მდგომარეობა გაუარესდა და ის რეანიმაციაში იმყოფება.

ბორის ჯონსონი ამჟამად ქალაქგარეთ მდებარე რეზიდენციაში იმყოფება, მუშაობის დაწყებას მას ექიმები ჯერჯერობით არ ურჩევენ.

„ბრიტანეთის პრემიერ-მინისტრი St. Thomas Hospital-ის მთელს მედპერსონალს „თავდაუზოგავი მზრუნველობისთვის“ მადლობას უხდის. „ის თავისი ფიქრებით მათ გვერდითაა, ვისაც ეს დაავადება შეეხო“, - ხაზგასმულია განცხადებაში.

დიდი ბრიტანეთის ჯანდაცვის სამინისტროს ინფორმაციით, ქვეყანაში COVID-19-ით გარდაცვლილთა რიცხვმა 10 600-ს გადააჭარბა, ინფიცირებულთა საერთო რაოდენობა კი 84 ათასს აღემატება.

ერთ დღე-ღამეში გარდაცვლილთა რაოდენობა 737-ით გაიზარდა, ინფიცირებულთა რიცხვი - 5 288-ით.

ყველა ახალი ამბავი
0