წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 აპრილი
2-11 აპრილის პერიოდი ვერძის ნიშნის მეორე დეკადას განეკუთვნება.
ამ დეკადას მზე მფარველობს. ამ პერიოდში დაბადებულები პატივმოყვარე, მტკიცე და ძალაუფლებისმოყვარე ადამიანები არიან.
მნიშვნელოვანი წლებია: 15,19, 30, 35, 45, 57, 60, 76.
ამ ადამიანთა სიმბოლოა მაგნოლია.
ამ პერიოდში დაბადებულები ძალზე პატივმოყვარე პიროვნებები არიან. პირველობისკენ სწრაფვაში ხშირად ავიწყდებათ სხვების ინტერესები, ხანდახან ვერ საზღვრავენ საკუთარ ძალებს და თავიანთ შესაძლებლობებს აზვიადებენ. ხშირად ყურადღებას არ აქცევენ გარშემომყოფების რჩევებს. მათ უნდა ისწავლონ სხვა ადამიანების რჩევებისა და ინტერესების გათვალისწინება.
9 აპრილს დაბადებულები
9 აპრილს არაორდინარული, მრავალმხრივ ნიჭიერი ადამიანები იბადებიან. დიპლომატიურობა – ეს მათთვის არ არის, მიჩვეული არიან სათქმელის პირდაპირ თქმას, ვერ იტანენ კომპრომისებს. არ უყვართ ლაპარაკი თავიანთი გეგმების შესახებ, მოქმედება ურჩევნიათ. ასევე ვერ იტანენ, თუ ვინმე მათი ცხოვრებს გაკონტროლებას ცდილობს, უფრთხილდებიან თავისუფლებას და არავითარ შემთხვევაში არ დაუშვებენ შეზღუდვებს. თავიანთ სიმართლეში ყოველთვის დარწმუნებული არიან.
თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>
ამ დღეს დაბადებულები თავიანთ ოცნებებსა და ფანტაზიებს, რომლებიც სხვებისთვის წარმოუდგენელია, ადვილად ასხამენ ხორცს ცხოვრებაში; უფრო მეტიც, ყველაზე არარეალური იდეებიდან სარგებლის მიღებაც შეუძლიათ. ამ ადამიანებს საზოგადოებისთვის დიდი სარგებლის მოტანა შეუძლიათ, რადგან მათი საქმიანობა კარგ მიზნებს ემსახურება. 9 აპრილს დაბადებულებს განსაკუთრებული აზროვნება აქვთ, რომელიც, შესაძლოა, გარედან სასაცილოდაც კი მოჩანდეს, მაგრამ მათ კონკურენტებს სასაცილოდ არ ექნებათ საქმე, როდესაც ნახავენ, რა ზუსტი გათვლებით ირჩევენ ეს ადამიანები ჩანაფიქრისთვის საჭირო დროს.
ისინი არცთუ კომუნიკაბელური ადამიანები არიან, უჭირთ საკუთარ სამყაროში სხვა ადამიანების შემოშვება და მათთვის თავიანთი აზრების გაზიარება – ეს ძალზე იშვიათად ხდება. ისინი დიდ ზეგავლენას ახდენენ მეგობრებსა და ახლობლებზე, რადგან შეუძლიათ, ადამიანები თავიანთ იდეებსა და ჩანაფიქრს დაუმორჩილონ. აქედან გამომდინარე, რადგან ბევრს არ მოსწონს ასეთი თავსმოხვეული იდეები და დაქვემდებარების მცდელობები, ხშირად აქვთ პრობლემები ადამიანებთან ურთიერთობებში.
რაშია მომთხოვნი ზოდიაქოს თითოეული ნიშანი>>
ამ დღეს დაბადებულები ადამიანებისგან მუდმივად როგორც ფიზიკური, ისე სულიერი სრულყოფისკენ სწრაფვას მოითხოვენ. თავადაც მუდამ ექსპერიმენტებს ატარებენ საკუთარ ფიზიკურ შესაძლებლობებსა და სულიერ თუ ინტელექტუალურ პოტენციალზე და ეს ხშირად მათთვის საყვარელ საქმიანობად იქცევა ხოლმე. და რა თქმა უნდა, ბევრი ვერ ახერხებს, რომ მიუახლოვდეს სრულყოფილი, იდეალური ადამიანის სახეს.
ჯანმრთელობა
9 აპრილს დაბადებულებში იმდენად დიდი ენერგიაა, რომ ამან, შესაძლოა, თავად მათ ჯანმრთელობას ავნოს. არიან რა იმპულსურები, დიდია ტრავმების მიღების შესაძლებლობა. ამ ადამიანების აქტიურობის ტემპები იმდენად მაღალია, რომ ზედმეტი ფიზიკური დატვირთვები აღარ სჭირდებათ. უზარმაზარი მნიშვნელობა აქვს მათთვის რეგულარულ კვებას, საკმარისი ვიტამინების მიღებას.
რჩევა:
ისწავლეთ დიპლომატიის ხელოვნება, კომპრომისის გამოძებნა. გახსოვდეთ, რომ როდესაც ახლობლები ზრუნავენ თქვენზე, ისინი ვალდებული არ არიან, ეს გააკეთონ, ამიტომ მათ სიყვარულით უპასუხეთ, ნუ ჩათვლით, რომ მათ მოვალეობა შეასრულეს. ებრძოლეთ ეგოიზმს, წვრილმანებს დიდ ყურადღებას ნუ მიაქცევთ.
