თბილისი, 8 აპრილი — Sputnik. თბილისში, მტკვრის მარჯვენა სანაპიროზე ავტოსაგზაო შემთხვევის შედეგად სამი ადამიანი დაიღუპა, ერთი კი დაშავდა, იუწყება საზოგადოებრივი მაუწყებლის პირველი არხი.
უბედური შემთხვევა დაახლოებით ერთი საათის წინ მოხდა. ერთმანეთს BMW-ს და Opel-ის მარკის ორი მსუბუქი ავტომობილი შეეჯახა.
მომხდარის შედეგად დაიღუპა სამი ადამიანი, ერთი კი დაშავდა. ის საავადმყოფოშია გადაყვანილი.
მომხდარზე გამოძიება სსკ-ის 276-ე მუხლის მერვე ნაწილით მიმდინარეობს, რაც სატრანსპორტო საშუალების ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
