თბილისი, 3 აპრილი – Sputnik. სოციალურ ქსელში კახეთში მცხოვრები 63 წლის კაკო ჯეირანაშვილის შესახებ ხდება ცნობილი, რომელსაც სოფელ კოლაგანში ტიტების ბაღი აქვს და ყვავილებს გაზაფხულზე „ნავთლუღის ბაზარში“ აბარებს ხოლმე, თუმცა ახლა ბაზარი დაკეტილია, ყვავილები ვერსად ჩააბარა და კაცი შემოსავლის გარეშე დარჩა.
მებაღის დასახმარებლად გახსნილია ანგარიში და მსურველებს შეუძლიათ მას შვილისშვილის ნანა ბეჟაშვილის ანგარიშის ნომერზე - (tbc), GE62TB7096445061100088 ჩაურიცხონ თანხა.
„პანდემიამ და საგანგებო მდგომარეობამ ბევრი ადამიანი დატოვა შემოსავლის გარეშე. ძალიან ბევრი. მაგრამ ეს ამბავი რომ წავიკითხე, პირველად ვიტირე თვითიზოლაციის მესამე კვირას“, – წერს იდეის ავტორი.
საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა, უკვე 2 აპრილისთვის დაავადებულთა რიცხვი 134-მდე გაიზარდა. აქედან 26 გამოჯანმრთელდა. ქვეყანაში 21 მარტიდან მოქმედებს საგანგებო მდგომარეობა, ხოლო 31 მარტიდან – საყოველთაო კარანტინი და კომენდანტის საათი.