თბილისი, 30 მარტი — Sputnik. პანდემიასთან დაკავშირებით შემოღებული შეზღუდვების გამო ამ დროისათვის მსოფლიოში სასწავლო პროცესებს არ ესწრება 1,5 მილიარდი ბავშვი და ზრდასრული, იუწყება „იუნესკო“.
⛔ More than 1.5 billion students around the world are not attending school due to the new #coronavirus ⛔@UNESCO launches Global Education Coalition for #COVID19 Response to ensure #LearningNeverStops.
— UNESCO (@UNESCO) March 30, 2020
Full data & info: https://t.co/VLtgcbmEbK #CoronavirusPandemic pic.twitter.com/o8Ihbe85K1
„ბავშვების, ზრდასრულებისა და უფროსი ასაკის ადამიანების რაოდენობა, რომლებიც სკოლებსა და უნივერსიტეტებში არ დადიან COVID-19-ის გამო, იზრდება. მსოფლიოს ბევრმა მთავრობამ დახურა საგანმანათლებლო დაწესებულებები გლობალური პანდემიის შეკავების მიზნით“, — ნათქვამია საერთაშორისო ორგანიზაციის განცხადებაში.
„იუნესკოს“ მონაცემებით, საგანმანათლებლო დაწესებულებები 184 ქვეყანაში დაიხურა და შეზღუდვები მოსწავლე/სტუდენტთა მსოფლიო რაოდენობის 87%-ს შეეხო.
მანამდე გავრცელდა ინფორმაცია, რომ კორონავირუსული პანდემიის გამო კარანტინში დედამიწის მოსახლეობის ნახევარი იმყოფება.
