Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„რისკ-ჯგუფშია და სახლშია ჩაკეტილი“ – როგორ ეკონტაქტება მაია ასათიანი დედას

© Facebook / Profiliმაია ასათიანი
მაია ასათიანი - Sputnik საქართველო
გამოწერა
მსოფლიოში გავრცელებული კორონავირუსის გამო ადამიანები ერთმანეთს თავს არიდებენ. ნახეთ, როგორ ცდილობს მაია ასათიანი დედასთან დისტანციურ კონტაქტს.

პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს. მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან. როგორც ოჯახის წევრებს შეეფერებათ, მაიას დებთან ძალიან ახლო და მეგობრული ურთიერთობა აქვს. უმცროსი და ვერონიკა მაიას ჰგავს, გოგონები ერთად ხშირად მოგზაურობენ, მიუხედავად იმისა, რომ მაიას ბოლო პერიოდის მანძილზე საზოგადოებრივი თავშეყრის ადგილებში გამოჩენა აღარ ხიბლავს. მისი სოციალური ქსელის ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა. მას გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა.

პოპულარული ჟურნალისტი დედას აღარ სტუმრობს, არც დედა მიდის მასთან სახლში. აღმოჩნდა, რომ მაია ასათიანის დედა კორონავირუსის გავრცელების გამო რისკ-ჯგუფში მოხვდა და თვითიზოლაციას მიმართა. „მე და დედა დისტანციურად ვურთიერთობთ, დედა რისკ-ჯგუფშია და სახლშია ჩაკეტილი. ასე იცავს წესებს“, – ამბობს გავრცელებულ ვიდეოში წარმატებული ჟურნალისტი. მაიას დედამ ნინო კალანდარიშვილმა შვილს პოლიეთილენის პარკით ხელთათმანები ფანჯრიდან მიაწოდა. მაიამ სიცილით აღნიშნა, რომ ბავშვობა გაახსენდა და დედას დროებით ასე ხვდება.

A post shared by maia asatiani (@maia.assatiani) on

მაია ასათიანის დედა ნინო კალანდარიშვილი ბერტა ფონ ზუტნერის მშვიდობის პრემიის პირველი გამარჯვებული გახდა. ის ნაციონალიზმისა და კონფლიქტების კვლევის ინსტიტუტის თავმჯდომარეა. ნინო კალანდარიშვილი მშვიდობის, შერიგებისა და ნდობის აღდგენის მიმართულებით პროექტებზე აქტიურად მუშაობს.

ყველა ახალი ამბავი
0