გამყრელიძე: ვირუსის პიკური პერიოდი იწყება პირველი შემთხვევის დადასტურებიდან მეექვსე კვირას

© photo: Sputnikთბილისის მეტრო
თბილისის მეტრო - Sputnik საქართველო
გამოწერა
НовостиTelegram
საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. ამირან გამყრელიძის პროგნოზით, პიკური პერიოდი საქართველოში 8 აპრილის შემდეგ უნდა დაიწყოს.

თბილისი, 21 მარტი - Sputnik. დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის პიკური პერიოდი მეექვსე, მეშვიდე კვირაში იწყება, ამის შესახებ მან „პალიტრანიუსის“ გადაცემაში „პოლიტ-ქალაქი“ განაცხადა.

მისივე თქმით, ჩვენ ახლა პრეკრიტიკულ ფაზაში შევდივართ და საჭიროა, მეტად გაძლიერდეს ყველა ის ღონისძიებები, რასაც ქვეყანა ატარებს.

„ძირითადი პიკური პერიოდი იწყება ხოლმე, მეექვსე, მეშვიდე და მერვე კვირას პირველი შემთხვევის დადასტურებიდან. შესაბამისად, ჩვენთან პირველი შემთხვევიდან, კორონავირუსის დადასტურებიდან სამი კვირა გუშინ წინ დამთავრდა. მთავრობის საკოორდინაციო საბჭოზე მე გავაჟღერე ჩემი მოსაზრება, რომ ჩვენ შევდივართ გარკვეულად პრე-კრიტიკულ ფაზაში. ამიტომ, მეტად უნდა გაძლიერდეს ყველა ის ღონისძიება, რასაც დღეს ქვეყანა ატარებს“, - განაცხადა გამყრელიძემ.
თბილისის ინფექციური საავადმყოფო - Sputnik საქართველო
საქართველოს ინფექციურ საავადმყოფოებში მოთავსებულ 18 პაციენტს კორონავირუსი არ დაუდასტურდა

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. ვირუსის გადაცემის შემთხვევების უმეტესობა იტალიასთან არის დაკავშირებული. ვირუსის შიდა გადაცემის პირველი შემთხვევა კი ქვეყანაში 10 მარტს დაფიქსირდა.

ამირან გამყრელიძის პროგნოზით, პიკური პერიოდი საქართველოში 8 აპრილის შემდეგ უნდა დაიწყოს.

22 მარტის დილის მონაცემებით, საქართველოში კორონავირუსით ინფიცირებულთა რიცხვმა 54-ს მიაღწია, კარანტინში 3 254 ადამიანია, კიდევ 233 ექიმების მეთვალყურეობის ქვეშ იმყოფება. სამი პაციენტი გამოჯანმრთელდა. ერთი პაციენტის მდგომარეობა უკიდურესად მძიმეა.

ყველა ახალი ამბავი
0