ყალბი საგადასახადო დოკუმენტების დამზადება-გამოყენების ფაქტი: დაკავებულია შვიდი პირი

© photo: Sputnik / Mikhail Voskresensky / გადასვლა მედიაბანკშიდაკავება
დაკავება - Sputnik საქართველო
გამოწერა
ეჭვმიტანილები ფინანსურმა პოლიციამ აჭარაში დააკავა, ბრალის დამტკიცების შემთხვევაში მათ 12 წლამდე ვადით თავისუფლების აღკვეთა ემუქრებათ.

თბილისი, 18 მარტი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ყალბი საგადასახადო დოკუმენტების დამზადება–გამოყენების და უკანონო შემოსავლების ლეგალიზაციის ფაქტზე აჭარაში შვიდი პირი დააკავეს, ნათქვამია უწყების მიერ გავრცელებულ განცხადებაში. 

ხელბორკილები - Sputnik საქართველო
ყალბი დოკუმენტების დამზადება-გასაღება: დაკავებულია ტურისტული სააგენტოს ორი თანამშრომელი

გამოძიებით დადგინდა, რომ მოქმედ რამდენიმე კომპანიას გააჩნდა აღურიცხავი საწვავი, რომლის წარმოშობის წყაროს დაფარვის მიზნით ბრალდებულებმა გააყალბეს საგადასახადო ანგარიშ-ფაქტურები.

„აღნიშნული ყალბი საგადასახადო ანგარიშ-ფაქტურების დამზადების გზით კანონიერი სახე მიეცა და სამოქალაქო ბრუნვაში მოექცა აღურიცხავი/დაუსაბუთებელი ქონება – ნავთობპროდუქტის სახით, რითიც ხსენებულმა კომპანიებმა და დანაშაულებრივი ორგანიზებული ჯგუფის ხელმძღვანელმა პირებმა მიიღეს 1 872 349 ლარის უკანონო შემოსავალი“, – ნათქვამია განცხადებაში.

გამოძიება მიმდინარეობს სსკ-ის 210-ე მუხლის მეორე ნაწილით, 185-ე და 194-ე მუხლების მესამე ნაწილებით, რაც ყალბი საგადასახადო დოკუმენტების დამზადება–გამოყენებას, ქონების მესაკუთრის მოტყუებით, დიდი ოდენობით ქონებრივ დაზიანებასა და უკანონო შემოსავლის ლეგალიზაციას გულისხმობს და ითვალისწინებს 9-დან 12 წლამდე ვადით თავისუფლების აღკვეთას.

ყველა ახალი ამბავი
0