ორი პოლიციელის მკვლელობისთვის შალვა აბულაძეს უვადო პატიმრობა მიესაჯა

© photo: Sputnik / Aleksey Filippov / გადასვლა მედიაბანკშიციხის საკნის კარი
ციხის საკნის კარი - Sputnik საქართველო
გამოწერა
НовостиTelegram
სამართალდამცველების მკვლელობაში ბრალდებული შალვა აბულაძე 2015 წლის 10 აპრილს  ბორჯომში, ერთ-ერთ მიტოვებულ სახლში დააკავეს.

თბილისი, 13 მარტი — Sputnik. თბილისის სააპელაციო სასამართლომ  მსჯავრდებული შალვა აბულაძე ორი პოლიციელის სიცოცხლის მოსპობისა და შვიდი პოლიციელის სიცოცხლის მოსპობის მცდელობის, ასევე ცეცხლსასროლი იარაღის, ასაფეთქებელი მოწყობილობისა და საბრძოლო მასალის მართლსაწინააღმდეგო შეძენა-შენახვა-ტარების ფაქტებზე დამნაშავედ ცნო,  ნათქვამია საქართველოს პროკურატურის მიერ გავრცელებულ განცხადებაში

საპატრულო პოლიცია - Sputnik საქართველო
ნასვამმა პოლიციელმა წალენჯიხაში კოლეგებს ცეცხლი გაუხსნა

გამოძიების მიხედვით, შალვა აბულაძემ 2015 წლის 23 იანვარს ბორჯომში, პოლიციის თანამშრომლებს, რომლებმაც ის შემოწმების მიზნით შეაჩერეს, ცეცხლსასროლი იარაღიდან ესროლა. სასიკვდილოდ დაჭრა ერთ-ერთი, მეორე პოლიციელს კი  ჯანმრთელობის მძიმე დაზიანება მიაყენა  და შემთხვევის ადგილიდან მიიმალა.

გარდა ამისა, 2015 წლის 4 აპრილს ძებნილმა აბულაძემ ისანი-სამგორის შს სამმართველოს სამ თანამშრომელს, რომლებმაც იგი ასევე შემოწმების მიზნით გააჩერე, ცეცხლი გაუხსნა და შემთხვევის ადგილიდან მიიმალა. მიყენებული ჭრილობების შედეგად ერთ-ერთი პოლიციელი დაიღუპა, მეორე კი  ჯანმრთელობის მძიმე დაზიანებებით საავადმყოფოში მოათავსეს.

უწყების ცნობით, 2015 წლის 5 აპრილს გამთენიისას, აბულაძის  ადგილსამყოფელის დადგენის მიზნით გატარებული სამძებრო ღონისძიებებისას, მან  სამართალდამცველების დანახვისთანავე კვლავ გახსნა ცეცხლი ოთხი პოლიციელის მიმართულებით და მიიმალა.

შალვა აბულაძე 2015 წლის 10 აპრილს  ბორჯომში, ერთ-ერთ მიტოვებულ სახლში დააკავეს. დაკავებისას მას „გლოკისა“ და ,,ПБ 6П9-ი“ს სისტემის პისტოლეტები, საბრძოლო ვაზნები და რგდ-5 ტიპის ხელყუმბარა ამოუღეს.

სააპელაციო სასამართლომ აბულაძე დამნაშავედ ცნო წარდგენილ ბრალდებებში და სასჯელის სახედ უვადო თავისუფლების აღკვეთა განუსაზღვრა.

ყველა ახალი ამბავი
0