თბილისი, 9 მარტი — Sputnik. ასი წლის ჩინელი მამაკაცი კორონავირუსული ინფექცია COVID-19-სგან განიკურნა, იუწყება China Daily.
Good news! A 100-year-old man with underlying illnesses has recovered from #COVID19 and was discharged from hospital in #Wuhan on Saturday. #coronavirus pic.twitter.com/qSzKslhGuv
— China Daily (@ChinaDaily) March 7, 2020
გავრცელებული ინფორმაციით, მამაკაცი 24 თებერვალს გადაიყვანეს უჰანის ერთ–ერთ საავადმყოფოში. მისი მკურნალობა მოიცავდა როგორც ანტივირუსულ პრეპარატებს, ისე ტრადიციულ ჩინურ მედიცინასა და პლაზმის გადასხმას. 13 დღის შემდეგ პაციენტი გამოჯანმრთელდა და შინ გაეწერა.
Covid 19: ინტერნეტში ამოკითხულ ინფორმაციას შვიდი ადამიანი ემსხვერპლა
იუწყებიან, რომ მოხუცი, რომელსაც 100 წელი საავადმყოფოში ყოფნისას შეუსრულდა, გარდა კორონავირუსისა, დაავადებული იყო ალცჰაიმერით, აწუხებდა ჰიპერტონია და გულის უკმარისობა.
ჯონ ჰოპკინსის უნივერსიტეტის სპეციალური პროექტის ინფორმაციით, სულ მსოფლიოში ამ დროისათვის დაფიქსირებულია კორონავირუსით ინფიცირების 110 588 შემთხვევა. აქედან ჩინეთზე მოდის 80 735 შემთხვევა, სამხრეთ კორეაზე – 7 478, იტალიაზე – 7 375, ირანზე – 6 566, საფრანგეთსა და გერმანიაზე – შესაბამისად, 1 209 და 1 151. მსოფლიოს მასშტაბით გარდაცვლილთა რაოდენობა 3 841 ადამიანს შეადგენს, გამოჯანმრთელებულებისა — 62 109-ს.
