თბილისი, 6 მარტი — Sputnik. ხანძარი იყო ზუგდიდის მუნიციპალიტეტის სოფელ ნაწულუკუში, იტყობინება „Sputnik-საქართველოს" კორესპონდენტი ადგილიდან.
ადგილობრივების ინფორმაციით, ცეცხლი დღეს ეკალ-ბარდებს გაუჩნდა და შემდეგ საყანე მინდვრებს მოედო. დამწვარია დაახლოებით 8 ჰექტარი.
ადგილზე მეხანძრე-მაშველების 4 ბრიგადა მუშაობდა. ამჟამად ხანძარი ლიკვიდირებულია.
ხანძრის გამომწვევი მიზეზები ჯერჯერობით უცნობია.
დაშავებულების შესახებ ინფორმაცია არ ვრცელდება.
ნიკა ლატარია
