ცაგარელი: 6 აპრილამდე ერთ-ერთი ყველაზე კარგი პერიოდია სიყვარულისთვის
„ხუთშაბათიდან სიყვარულის მმართველი პლანეტა ვენერა გადადის მისთვის ყველაზე კარგ და სასიამოვნო ნიშანში – კუროს ზოდიაქოში. მოიმატებს რომანტიკულობა, ემოციურობა, სილამაზის, ხელოვნების და პოეზიის მიმართ განსაკუთრებული დამოკიდებულება, ერთგულების ფაქტორი წამოიწევს წინა პლანზე. პარტნიორები მაქსიმალურად გაუფრთხილდებიან ერთმანეთს. ერთ-ერთი ყველაზე კარგი პერიოდია სიყვარულისთვის, რომელიც 6 აპრილამდე გასტანს“, – ამბობს მიხეილ ცაგარელი.
ასტროლოგი მოსახლეობას ურჩევს, მარტში ჯანმრთელობას გაუფრთხილდნენ, რადგან მარტისთვის დამახასიათებელია ამინდის ცვალებადობა, რაც ადამიანზეც მოქმედებს.
