თბილისი, 2 მარტი — Sputnik. ვალენსიაში ბორდელ „შვარცვალდს“ ეროვნული პოლიციის აგენტები იცავენ მას შემდეგ, რაც საროსკიპოს ერთ-ერთ თანამშრომელ გოგონას კორონავირუსი დაუდგინდა, იუწყება მედია პოლიციაში არსებულ წყაროზე დაყრდნობით.
Quedé para tomar algo con la sífilis y me lie.https://t.co/PImaf2MeUp
— Coronavirus (@CoronaVid19) February 27, 2020
გავრცელებული ინფორმაციით, ახალგაზრდა ქალმა არ შეასრულა ჯანდაცვის ორგანოების ბრძანება და კვლავ განაგრძობდა კლიენტების მომსახურებას.
შესაბამისად, ხელისუფლებამ მიიღო გადაწყვეტილება, დღეს გამთენიისას დაეხურა საროსკიპო და იზოლაციაში მოექცია არა მარტო აღნიშნული თანამშრომელი, არამედ ბორდელის 86 კლიენტიც და სხვა თანამშრომლებიც — სულ 119 ადამიანი, რომლებიც იქ იმყოფებოდნენ.
COVID 2019: დაფიქსირდა ყველაზე დაბალი მაჩვენებელი ბოლო 40 დღის განმავლობაში>>
როგორც ირკვევა, ახალგაზრდა ქალმა, რომელიც ამ დროისათვის საუნივერსიტეტო კლინიკაშია გადაყვანილი, გასული ღამე რამდენიმე კლიენტთან ერთად გაატარა.
ხელისუფლება შიშობს, რომ ბორდელის მუდმივი კლიენტების მეუღლეები საროსკიპოს წინ შეიკრიბებიან და განმარტებებს მოითხოვენ.
ამ დროისათვის ცნობილია, რომ კარანტინში მოთავსებულთაგან კორონავირუსით ინფიცირება არცერთს არ დაუდასტურდა, თუმცა მათი 14 დღიანი იზოლაცია მაინც აუცილებელია დაავადების შემდგომი გავრცელების თავიდან აცილების მიზნით.
