მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

საჩუქარი პრეზიდენტისთვის: პუტინმა ტრამპს ვერცხლის მონეტები უსახსოვრა

© photo: Sputnik / Mikhail Klimentiev / გადასვლა მედიაბანკშივლადიმირ პუტინი და დონალდ ტრამპი
ვლადიმირ პუტინი და დონალდ ტრამპი - Sputnik საქართველო
გამოწერა
ამერიკის პრეზიდენტისთვის რუსეთის ლიდერის მიერ ნაჩუქარი მონეტები ფეხბურთში მსოფლიო ჩემპიონატს ეძღვნებოდა.

თბილისი, 25 თებერვალი — Sputnik. რუსეთის პრეზიდენტმა ვლადიმერ პუტინმა ამერიკელ კოლეგა დონალდ ტრამპს 2018 წელს 12 ვერცხლის მონეტისგან შემდგარი კომპლექტი აჩუქა, ნათქვამია აშშ-ის სახელმწიფო დეპარტამენტის მოხსენებაში, რომელიც ამერიკელი ოფიციალური პირებისთვის გადაცემულ საჩუქრებს ეხება. 

პამელა ანდერსონი - Sputnik საქართველო
პამელა ანდერსონი ვლადიმირ პუტინს დახმარებას სთხოვს

დოკუმენტში აღნიშნულია, რომ სამახსოვრო მონეტები რუსეთში ჩატარებული ფეხბურთის მსოფლიო ჩემპიონატისადმი იყო მიძღვნილი. 

ამერიკის პრეზიდენტს მონეტები 2018 წლის 19 აგვისტოს გადაეცა საჩუქრად. აშშ-ის ხელისუფლებამ სუვენირი 1,5 ათას დოლარად შეაფასა. ამჟამად ისინი აშშ-ის ეროვნულ არქივში ინახება.

„[საჩუქარზე] უარის თქმა უხერხულ მდგომარეობაში ჩააყენებდა მჩუქებელსა და აშშ-ის მთავრობას“, — წერია გრაფაში, სადაც საჩუქრის მიღების მიზეზები უნდა იყოს განმარტებული.

აღსანიშნავია, რომ 2018 წელს აშშ-ის ოფიციალური პირების მიერ სხვა ქვეყნების მთავრობების წარმომადგენლებისგან მიღებული საჩუქრების სრულმა სიამ 100 გვერდს გადააჭარბა. მათ შორის არის როგორც 3 ათას აშშ დოლარად შეფასებული, ოქროს ჩარჩოში ჩასმული დონალდ ტრამპის პორტრეტი (ვიეტნამის პრემიერ-მინისტრის საჩუქარი), ისე 545 დოლარად ღირებული ჩელსის ტყავის ჩექმები (ავსტრალიის პრემიერის საჩუქარი) თუ Louis Vuitton-ის გოლფის ჩანთა, რომელიც ტრამპს საფრანგეთის პრეზიდენტმა უსახსოვრა და რომლის ფასიც 8275 დოლარია.  

აღსანიშნავია, რომ აშშ-ის ხელისუფლებამ უამრავ საჩუქარს შორის ყველაზე ძვირფასად მიიჩნია კატარის ამირა შეიხ თამიმ ბენ ამად ალ თანის მიერ მიძღვნილი ნიმფერბურგული ფაიფურის ექვსი თეფში, რომელიც 23,5 ათას აშშ დოლარად შეფასდა.

ყველა ახალი ამბავი
0