თბილისი, 20 თებერვალი — Sputnik. ბერლინის საოლქო სასამართლომ პატიმრობა შეუფარდა სამ პირს, რომლებმაც ბოდეს მუზეუმიდან 100 კგ წონის ოქროს მონეტა მოიპარეს, იუწყება ტელერადიოკომპანია RBB.
გავრცელებული ინფორმაციით, სასამართლომ ორ ბრალდებულს 4,5 წლით თავისუფლების აღკვეთა შეუფარდა, ერთს — სამი წლით, ხოლო ერთი გაამართლა.
Drei Haftstrafen für Goldmünzen-Diebstahl - ein Freispruchhttps://t.co/QWFffR3aXv pic.twitter.com/FXRleklGtr
— dada (@dadababako1966) February 20, 2020
მონეტა სახელწოდებით „ნეკერჩხლის დიდი ფოთოლი“ ბერლინის ბოდეს მუზეუმიდან 2017 წლის მარტში მოიპარეს. ის 100 კგ-ს იწონიდა და ხალასი ოქროსგან იყო დამზადებული. მონეტის ავერსზე ბრიტანეთის დედოფალ ელისაბედ მეორის პროფილი იყო დატანილი.
ბოდეს მუზეუმს, რომელიც მონეტების კოლექციითა სახელგანთქმული, ექსპონატი სხვა მუზეუმისგან ჰქონდა ნათხოვარი გამოფენისთვის.
RBB-ს ინფორმაციით, ოქროს მონეტა ჯერ კიდევ არ არის ნაპოვნი. გამოძიება ვარაუდობს, რომ 3,75 მლნ ევროდ (დაახლოებთ 4 მლნ აშშ დოლარი) ღირებული „ნეკერჩხლის დიდი ფოთოლი“ ნაწილებად დახერხეს და ისე გაყიდეს.
